Iskaashi

Tixdan gabayga ah waxaan u alifay inaan ka tiriyo xaflad lagu qabtay bariga london oo loogu talo Baroor diiqayay dadkii ku waxyeeloobay dhacdaddii foosha xumayd ee29/10/2008 is qarxinta ahayd weerar kii lagu qaaday hargaysa intii ku dhimatay alla haw naxariisto intii ku dhaacan tahay ilaahay nabar gardaro ha uga dhigo e xafladu waxay qabsoontay 29/11/2008 isla maalintaas ayaan tixdan alifay oo aan ugu magac bixiyay ISKAASHI


Indhowaydba alifkii murtida maan abaabuline
Maan astaynin maansooyinkaad igu ogaydeene
Ambaqaadka waataan ka hadhay eella tiriyaaye
Marka aan ilaawoba waxbaa oodda soo rogga e
Xaluun baan allayl dhexe hurdada soo ambaabiray e
Eed layga galay baa jirtoo umal ku waa dow e
Aan idhaahdo caawoo kaluu aarsi leeyahay e

Ummad aan iskaashani wanaag way ka orodaaye
Arrin uma saxmoo khayrka waa laga ajeeyaaye
Waa la ibtileeyaa samii soo awaal baxa e
Cadaw baa ilays kaw shitoo ulakac raacdayne
Ummad yahay ilduuftaye is garo aayatiin maqane
Askarta iyo ilaalada dalkoo cadawga eegaysa
Adyad ruuxa wada oo shacbigu aayar qabanaayo
Awood lagu xidhiyo waa inaan edeg u yeelaane
Isha inaan ku haynoo dalkaba laga ilaashaaye
Oo aan ilduuf lagu banayn ooda dhacnteena
Oo aan arliga dhawranaa idil ahaanteenba

Afartaa wax lama soo eryee ilin ma qaad siiyay
Sidii odayadii hore murtida eel fog maw laliyay
Ma asteeyay sidii Faarax Nuur aanad iyo maayad

Intii dhimatay naxariis rabbaan uga baryaynaaye
Ajashaoodu way sii qoray oofsi geeriduye
Lama ooliyeen oo allaa aayadaas dhigay e
Samir inaynu iimaansanaa oogadeena ah e
Oohintiyo ilmada lama raboo waa laga adkaystaaye
U duceeya inuu eebbaheen nuuro idilkoodba
Ashkatada allaa loo dirtaa laguna eertaaye
Alshabaab Alqaaciida iyo Eyda la kordheebay
Niman kaa isoo weeraree ubad ka laynaaya
Nimankaa islaamnimo ka tagay een arxamahaynin
Niman kaa ujeedada ka madhan een aqliba haynin
Irsiqooda niman kaa jaree gooyay unuun kooda
Niman kaa aduun yada nacee aakhirana seegay
Ashahaadda nimankaa ka dhigay eeda iyo ceebta
Allahayoow kuwaa naga af qabo waad na arag taaye

Afartaa wax lama soo eryee ilin ma qaad siiyay
Sidii odayadii hore murtida eel fog maw laliyay
Ma asteeyay sidii Faarax Nuur aanad iyo maayad

Dhaawicii allaw wada sahloo way ordaayaane
Urgumadii ka soo raysto oo eel ka doogsade
Ma ilaawi doonaan waqood ololkii maantiiye
Akhyaartii ku dhimatay indhuhu sii arkaayaane
Iyagana ilaahay qabriga nuurka ugu oodi
Ururrada axsaantiyo samaa olola yaashooda
Arin laysku biirshiyo waxaqabad oosha lagu kaabay
Iyo waxa anfaaciga qurbuhu bixiyo ee aada
Isxilqaan hadaynaan u hurin aayar lacagteena
Qof kastana wax lagu aadiyiyo amarka loo sheegin
Isma bixin kartoo waan ognahay idil dalkeeniiye
Iska dhaafa addin laaban oo bixiya iidaanka

Wabillaahi tawfiiq

Shirqool

Tixdan gaaban waxaan ka tiriyay ka dib markii ay kala caddaadeen ciddii ka dambaysay qaraxyadii hargaysa oo aan is idhi bal wax ka dheh waxay soo baxday 19/11/2008 waxaana la yidhaa shirqool ku soodhowaada

Indhowayd ba shiin layda gabay sheeg is ma lahayne
Shidhadeeda waan dhigay tixdaan shiilan jiray waaye
Markii uu shakaal galay hiddii ee casrigu sheegmay
Ee dhaqanku shuushaa ku dhacay dhaanish kuna shawray
Shib inaan idhaahdaa markaa waa shin la hubaaye
Wax se shaaciroow ii hor kacay oo i shiday maanta
Bal aan kuuba sheegee i maqal shuuqday taladiiye

Shil ka dhacay dalkeenii dhowaan oo shuf lagu hoobtay
Oo cumaamad sheekh soo xidhiyo culimo shaydaani
Shir qool ay sameeyeen shabaab aan la garanayni
Oo nabaddi shaasheeyay oo shuushna nagu beeray
Shisheeyaha na soo weeraray ee shicibka laynaaya
Shaki ma laha inay doonayaan qaranka shaasheeye
Shiddadoodu waa meel hadday uba shaqayn layde
Sheekadu ka wayn nabadan ay shiiqi leeyiine
Shuf inuu yidhaa bay rabaan magacan sheegnaaye
Shakuur baa se dhawroo nin xumi shiiqin kari waaye
Sharaf land dhaqaaqdoo wakaa shidan yay laydhkiiye
Ha shu'aysan dhaha kii jeclaa inuu na shiidawba

Afartaa intaan shiin ka dayay shamaca maw daaray
Nin shaxaadayaa leexiyee shaaga ma u yuuray
Shabeelkiyo sidii aar murtida shaashka ma u taagay

Afar kale hadaan sheeg idhaa shaqalo gaagaaban
Shan afraad dal jiray oo yaqaan shicib walaalaynta
Oo horumar sheegtaanu nahay shawr fog na u galaye
Sharma oogno oo waan necbahay shidho walaalkaye
Hadduu shuushba soo galo bulshada ways la shiriyaaye
Runtana waxaan u sheegaa qofkii xuma ku sheegnaaye
Nimankaa shisheeyaha dalbaday ee shubaya dhiigooda
Nimankaa shar mooyee wanaag shayna laga waayay
Niman kaa shaqaaqada wadee shicibka laynaaya
Nimankaa shuftoobee ka tagay sheegasho islaamba
Allahayoow shidada ay wadaan aanay nagu shooban

Afartaa intaan shiin ka dayay shamaca maw daaray
Nin shaxaadayaa leexiyee shaaga ma u yuuray
Shabeelkiyo sidii aar murtida shaashka ma u taagay

Afar kale hadaan sii sharaxo oon shidhka u fuulo
Xadka inaan shareeraan jeclaa shaqal u giijaaye
Oo aan shuftadu soo dhex marin lagana shawraaye
Shaqsigii yimaadaana maro shooki iyo baadhis
Oo shicib ku soo wada qabtaan kii shakiga beera
Oo aan shihiid lagu luggo'ay qarax la soo sheegin
Qaxootigan shiddadu haysatee xamar ka soo shaacay
Ee shururg nagu soo yidhee shalay na soo gaadhay
Iyagana shu'aysiga ka dhawr sharaf ha joogeene

Wabillahi tawfiiq

Hungo dhoof Tahriibka

HUNGO DHOOF BY
Halaq baa jid kaa yuururoo waydin helayaaye
Hacoo baa ku taajiray waxaad uba hibayseene

Tixdan gaaban waxa aan u bixiyay HUNGO DHOOF waxay soo baxday 18/11/08 ka dib mar aan akhriyay maqaal ku qornaa website ka hadhwanaagnews oo ka hadlaayay Dad tahriibay oo dhibaato ku dhacday waxaan runtii is idhi ka qof faalo kale oo ka sii farcanta hadaladaas meesha ku qoran waxaan is arkay anoo meel dhexe la maraaya tixdan waanan dhamays tiray


Indhowayd ha'laydii murtida hees kumaan qorine
Ma habaynin maansooyinkii igu halayseene
Haleel baan u waayaye naxwuhu way haadhaa dihine
Saakana hayaan kaan arkaa helay dadkeeniiye
Hanqal taaga yurubloo qabaan diiday hanadoowe
Hubsiimaa wacnayd lagu daroo lagu hagaajaaye
Hiyi kaca barbaartii heliyo dhoofkan lagu hoobtay
Hanqal taaga yurub loo qabiyo hoohad kiyo beenta
Halaaga iyo dhibaatada naflaha lagu halaynaayo
Hodan tidda dalkeeniyo nimcada hoos u dayi waaga
Dhalin yahay naftii hawl baddee dhugo hareertaada
Dhalin yahay intays heeraysaan dhimasho waa hawle
Hoog iyo balaayaa fadhida hilinkaad qaadeene
Halaq baa jid kaa yuururoo waydin helayaaye
Hacoo baa ku taajiray waxaad uba hibayseeene
Hungo weeye dhoofkaad gasheen baabah lagu hoobtay
Inta hannad la wayee dhabada haadku ku casheeyay
Hablo qurux le oo loo hanqabay baan lahadal hayne
Heddu waxay ku qaadaa baddiyo hayjadaa dhexe
Hurintii baxdaba ruux qudhaa himilo gadhaaye
Inta kale hed baa loo tirshaa lagu haleeyaaye
Hororkaa dar qaatoo dhexdaa lagu halgaadaaye
Huudhi bay badaa kula lumaan hoobte umaddiiye
Hacooyada carbeed baa hablii heeray badan koode
Turkigay dhex hiinraagayaan cadaw ka haagaaye
Raggaa hilinka toorayn jiraye haatan lala dhaafye
uma lahayn socod kandheer ee haween galay e
Hagaag maaha oo hubaal waxaysku hawsheene
Hunguraydin qaadaye waxabaan yurubtu kuu hayne
Hadal ugama jeedee tixdana hoga tusaalayn dheh
Oo waano wa lagu hirtaa hooya i dhegaysta
Kol haddaan la hubin waxa kanaad uba haliilayso
Ka hadh baa ka roonayd wixii halista guud yaale

Saddex Eberle

Salaamu calaykum dhamaan umada islaamka ah marka xigta ah si gaara waxaan u salamayaa bahda hadhwanaagnews iyo akhristayaasha sharafta leh waxaan halka ku soo bandhigayaa tix gabay ah oo cusub oo magaceeda la yidhaa SADDEX EBER LE kuna saabsan sixir barar ka aduunka iyo dhaadani la’aanta somaliland xaalada guud ee dalka iyo arimo kolay anigu aan u arko inay tahay dhib si gaara ugu habsatay dhalin yarada oo ah jaadka iyo tahriibka waana kan ee akhris wanaasganwaxaan ku hal qabsanayaa saaxiibkay Cabdisalaan Muuse Galaal. SADDEX EBER LE wuxu soo baxay 18/09/2008.

In dhowayd salaanoow murtidi siibadaw xidhaye
Ma siraadin maansoooyinkii saafiga ahaaye
Hadaan gabay samaan lagu gorfayn sawd ka arar tiisa
Ama aan sarbeeb lagu xidh xidhin siri u hoosayso
Saxo ma laha hawraarta ay kuu subcina yaane
Bal dhegayso saakana halkaan soofka ugu foofsho
Aduun yadan sindahan ee cabdoow samada eegaysa
Aduunyadan sadyari looga biqi gaajo solanaysa
Saan cadalaaheedii aduun uu sad yari sheegtay
Sixir barar aduun lagu sahwiyay sarifna loo diiday
Oo ay saliidii mar qudha samada heehaabtay
Santigii maraykaan aduun suuqa laga waayay
Oo ay sariigii hindidu iibka sare gaysay ……………….sariigu waa bariiska
Siqiir iyo kabiir waa aduun saa’id laga doonay
Nin kii soof yaraa waa aduun lacag la saaraaye
Saddex eber layaal baa la sudhay baanan kii sare e
Saamiilayaashii ku kace saban kan maanta ah e
Ma talaad ka sugaysaa aduun shaadhka laga saaray

Bal somaliland ila jaleec suurtay taladiiye
Saxariirka gaajada tiiyoo sabigu ooyaayo
Ooy suuqa wada daad san yiin suluf na loo giirtay
Oo aan siyaakhado la xidhan iyo subeec toona
Ayuun buu salaad hore kalahay kaynu talo saaray
Sareeyeheeni saakana ilkuu dhoof u soo galay e
Uu sadaf ka ii xidha ku yidhi faranji saynliiye
Uu lacag sabciin alif ka badan siiyay gaalada e
Ma talaad ka sugaysaan aduun shaadhka laga siibay

Sonkor iyo bariis laguma helo doolar kii sare e
Daqiiq dii saraa loo kacshoo waa sabool nimo e
Xoolihiina suuqyada qurbaha keena laga saarye
Sixun bay u caayeen intay been susumiyeene
Sagaal magac markii loo baxshuu seegay iibkaba e
Carab taa siloonbaa xisdiga saatir uu baray e
Imikay saruurad u qabaan solay gii fiicaanye
Aljaabiri wakaa soo dalbaday sayladii kale e
Lacag adag ninkii noo sidaba waa ku sugaynaaye
Ma talaad ka sugaysaan aduun shaadhka laga saaray

Bal siyaasigeeni murtida saani ugu sheega
Sidriga ugu qora maansadoo seebka ugu geeya
Inta aad salaan taan barqada sacabadaw saara
Salinka e dadkeenii aqoon saaka laga waaye
Salaw bay sudheen geedihii sudaha tuulaaye
Sareedadi barwaaqada la waa roob subaax da’a e
Siigadaa ku xidhan hawdkiyoo seero laga oodye
Ma talaad ka sugaysaan aduun shaadhka laga saaray

Saxal guurka carigii ku dhacay samacu hayn waaye
Sur yar tii sakaariyo la waa deero iyo siig e
Sanqadhloow libaaxii ka carar oo sin uga baydhye
Halaqii suntalahaa ma jiro iyo subxaantii ye
Surtii malabka dhabaqaad ogayd saaka laga waaye
Shinidii sawaab baa ku dhacay dhiisha sudhayseene
Shabeelkii ragbaa saanyadoo siibtay haragiise
Sumcaddii dugaaguba ka qaxe aradka soomaale
Socod xume waraabaa ka hadhay iyo dacaw saqleeyaaye
Ma talaad ka sugaysaan aduun shaadhka laga saaray

Aduun yadan sidihii loo jaray ee sare u kaynaantay
Ee salaw colaadeed la sudhay sumuc na qiiqaabay
Ee soodhka laysugu sukumo dhiigna soconaayo
Ee kaan sidii lala rabiyo riciyad soocnaanin
Saqda dhexe diyaarada la sudho salaw gu qiiqaabo
Ee aan sahaalaha ahayn nabadii soo yaalku
Ee gartii nin ki soof yaraa cidina siinaynin
Saymana badii lagu shubiyo kiimikada saydhan
Ma talaad ka sugaysaan adun shaadhka laga saaray

Saaxiib dhigeen saban horuu saadshay meel wacane
Inaguna sigaar kiyo barjaha waynu sidanaaye
Sun cagaaran baan raamsanaa saacad iyo layle
Sunuudeeni wataa axmaar saro ku jeexdaaye
Waxa saamigeenii la tagay siiblahaa rarane
Soo dhacyeey da qaylada ragaa sare u yeedhaya
Saladaha haweenkaa sitee suuqa wada jooga
Iyo saxada geedkaa raree saxalka beeraaya
Ee sadheeyay noloshii dadkana wada sabaaleeyay
Sinjigeeni geedkaa bedelay iyo sawracii quruxda
Sokeeyi midkaa kala raree xaasas kala saaray
Inta aan sidaanahay anigu waan sahwiyayaaye
Ma talaad ka sugaysaan aduun shaadh ka laga saaray

Dhalinti socdaal bay galeen oo dide sabadiiye
Saxiimadaha hoogay badaha ugu sabeeyaane
Tahriib bay u soo wada socdaan sahayna loo qaad ye
Inta uu nin xumi soo siree silic maryaadaysa
Kumanaan saq dhexe doonidii xadhiga loo siibay
Oon sooba noqon baa badaha nibiri saaftaaye
Inta soo sarfayf taa kunkii waa sagaal qudha e
Waxay soomal haadaan jidkiyo saxarahaa jaane
Suudaan ilaa suuriyay socod ku gaadhaane
Giiragay sinmeen jeelashoo sabigi buuxaaye
Saatir oo tan soo dooriyoo sama bax noo doora
Iyo si alla mooyee dadkuba silic dhamaan toode
Ma talaad ka sugaysaan aduun shaadhka laga saaray

wa bilaahi tawfiiq

A Poem about Qat

Abdi! Although I have abstained from poetry,
And have not for decades uttered a single sound.
The creative powers I have once had,
and the Melodious voice with which I used to convey,
I have lost the desire for poetry in recent years.
A moving emotion leaves me restless tonight,
Forcing me to say what you have been asking awhile.
In this world that some have aimed for higher galaxies.
In this world that some are trotting on the moon.
In this world scientists lead with scientific understanding.
In this world threatening each other with deadly nukes,
We are calmly chewing this poisonous grass.
Our entire thinking is reduced to chewing qat.
Our children are incarcerated in harsh prisons cells
Our girls and women exposed to dangerous habits.
Our youth hating their country are in a hurry to leave.
All await travel and deadly sea adventures,
In their hopes and dreams to flourish elsewhere.
If we are not tiring of self-imposed migration
We are unwilling to stop this disgracing qat.
May Allah give us peace and change our ways.
Elders don’t bring not even a tooth brush
Entertaining themselves they succumb to grass
Like herds heading home and chewing their curd
They enjoy chewing their qat in early evenings
But without peaceful sleep they stay wide eyed
Lazy and sluggish, they don’t look for jobs
If they find two morsels by way of lunch
Before swallowing, they run to qat again
Walking in the markets in any afternoon
It looks desolate in abandoned ruins
May Allah give us peace and change our ways.
If they do not stop this narcotic leave,
Our government fails to ban its consumption.
Religious scholars don’t point its ills
And our doctors ignore its illnesses
Nor does our youth shun its consumption,
If our elders don’t abstain and forewarn
Undoubtedly our country is on destructive path
Unless Allah gives us peace and change our ways.
Look at how many virgins and beauties neglected.
Look at how divorce, not matrimony becomes commonplace.
Look at how kids are lost without any protection.
Look at this scary disintegration of our culture.
Look at how many girls submit into chewing qat.
Who have been misguided and lulled with false tales.
Look at married women whose cheeks swell with qat
May Allah give us peace and change our ways.

By Faisal Aw Cabdi.

Translated by Rhoda A. Rageh with the permission of the author.
faysal_awcabdi@hotmail.comLondon UK

waxaan idinku soo dhowaynayaa tix gaaban oo gabay ah oo daba socota giir yaale GOBANIMO waxay soo baxday maanta oo ah 09/09/2008 Salaasa
Abwaanadu geddii aan la rabay sheege gabaygiiye
gundhi geedi waa kuwan furfuray godobaheediiye
murti gaaxday geeraar hirgalay gooha arar tooda
suugaan gobeed iyo tixaha goohu dami waayay
giiryaale waa kaa tol helay gacalla yaashiise
galabtana god baan dega hayaa galiya maan kiina
Galoof baan ka dhigay gaanihii godolka waynaaye
gaadiidki aan saanyan laa gawrac baan sudhay e
gurmo go'an anaa jaray ushii garab ka noolayde
gondahayga anigaa cabdoow gudin ku naafeeyay
anigays guhaad shoo intaa hanaq isgooynaaya
gankaygiyo asaagay hadaan gaadhi kari waayay
inaanan meella gaadhayn is ogi garashadeediiye
ilmadayda gobo'o deedu waa ii garaad li'iye
gobannimo haddii aan mar helay waanigii gaday e
garan waayay ubixii u go'ay gunud xaqoodiiye
garan waayay geeridu inay geesiyada layso
garan waayay guushaada dhaqo hanatay goorteed e
garan waayay goonyaha tol tolo yay gabaabsiyine
inaan gaafo baxo maalintaan gaadhay baa timiye
waxbaa iga kaftoon galay taladi gaar u dagidiiye
gucla orodka waataan midnimo aan gudoon idhiye
guud mar sheeko mooyee marabo inaan ku guuxaaye
waa tii laygu guureed ogayd gumaradeediiye
galabtaan ka soo waaqsadeen gooni isu taagay
galab taan is idhi waadigaa gaadhay libintaadi
galabtaan aqoonsiga u koray geedka laga muuqdo
gol qaniin miyaa lagu wadaa gaba gabaynaysa
garashada miyaa laga madhaa libin ta goobaysa
gurac talo miyaa loo wadaa meella gaadhaynin
gabaahiir miyay nagu fureen gabadanays naanta
araftaa gaddii aan u idhi ama giraydh keeda
nin guhaani arartuu lahaa maw gargaro sheegtay
taariikh gun dheer iyo ma furay taynu garanayno
gudban hadalka maw dhigay intaan gacan togaaleeyey
gibla kalena waa maanso aan gee is leeyahay e
bal guddooma geeraar kalaan soo gudbinayaaye
isla garannay inay guul daradu nagu gidaad nayde
ha yeeshee in talo gartaa lagaga guuraaye
maxay nala gudboon waxaynu nahay qaar gabaab siyay e
gidigood aqoon yahan shir uu talo ku googooyo
ama uu siyaasigu gartaba talada gawdhiidhay
ooy culimo garab kii cilmiga diinta ugu goyso
oo ay barbaartii gayigu garato khayrkiisa
oo tahriibkan laga gaabsadiyo socod kan geeryaysan
gobanimo sidaasay ahayd garan aqoon waynay
galaduna iskaashay ahayd gacan la maalaaye
garashiyo aqoon baad dadyohow libin ku gaadhaane
gaangaambis socod kaa xuneen meella lagu gaadhin
garaabiysigaa iyo intaan qaadka gadanayno
gaaladu waxii ay tartiyo intay gacan tu hoosayso
hay'adahu galaan ay baxshaan gaajo tiri waaye
u guntada geyaga beeristoo garaw ga soo goosta
galay iyo hadhuudh baa ku filan labada gooroode
baahida waxaa laga gudbaa galin dadaalkiiye
gudgudaha cirkaa hoora iyo mayay ga soo guuxa
mahiigaanka gaydhiyo ufada karadh ku gaadhsiiya
dooxyada biyaa soo gingima ee gabiga dhaafsiiya
hadaan garasho lagu joojin oon dhaamam lagu giijin
goror na waa dane biyihii godamo lee jeexin
gaajiyo harraad saw dabeed looba go'i maayo
dawladii gayigan loo igmiyo gaadhka carigeenu
ama uu gudoonshaha dalkuba geeri talinaayo
hadii ay gordayn iyo guhaad shicib la guulguulay
god na uu diyaar yahay qofkii guulo dhalin laaba
oo guurtidii qaban lahayd garabka siinayso
xildhibaanadeeniina gabay gebi xilkoodiiba
gargaar eebe mooyee si kale loo gad bixi maayo
guulaha ilaahoow na sii gacan na taageerta
oo adigu noo garo xaqiyo khayr ka gurigiisa
araftaa gadii aan u idhi ama giraydh keeda
nin guhaani arartuu lahaa maw gargaro sheegtay
taariikh gun dheer iyo ma furay taynu garanayno
gudban hadalka maw dhigay intaan gacan togaaleeyey
gibla kalena waa maanso aan gee is leeyahay e
bal guddooma geeraar kalaan soo gudbinayaaye
gobanimo waxaa loo galaa guri abaareede
gocondhooyin baa kuu xagtiyo hirigta geedaaye
waxa loo guttaa waajibaad geeri kay tahay e
geesi baa u quba dhiiga oo gumuc haleelaaye
adigoo u soo gubay dalkiyo giniyadaadiiba
ooy gacan ta kuu soo gashood farax la goohayso
haday aayar kaa guurto ood haysan garan waydo
oo cadaw gu kuu soo gabbado godadna kaa jeexdo
oo aad gunnimo qaayib tood foolxumo guurto
laba jeer go'iyo sow markaa gaabis maad noqonin
intaan geed qadhaadh kaa inagu daanka galinayno
rag baw goostay taladii inay nagu gabraar taane
garanna waynay goolaaftan kiyo gaatan socod koode
kolba keen is yara giijiyay godob u yeelaane
jeelasha waxaa wada gingiman geesiyaal badane
gardarrada kuwii loo xidhee shooki lagu giijay
garyaqaanna aan lagu xukumin cidinna gaynaynin
ee godadka jiifa ka badan geedahaa baxay e
gurmad iyo waxay naga rabaan gacan la siiyaaye
garab aynu siinaa raggaa sharaf u goyn laaye
god ka inaynu jabinaa ragyohow nala gudboonayd e
geesinimo inaan muujinaa nala gudboonayd e
ka guntada waxay nala galbaday waa gunimo wayne

Giiryaale

Tixdan gaaban waxaa igu dhaliyay ka dib markii aan ku guulaystay in la helo gole abwaanka soomaliland ku kulmaan oo dood iswaydaarsiga iyo suugaan wadaagga ay kuyeshan waxaan ku halqabsaday nin la yidhaa ismaaciil maxamed cali oo jooga finland kana mida abwaanada golaha ku bahawday

Giiryaale Wuxuu soo baxay 29/08/2008 Jimce faysal awcabdi cambalaash


in dhawayd ga'alaydii murtida gaaxday oo dhigaye
ma gardaadin maan sooyinkii guule ii diraye
ismaaciil aday garanayee gunud odhaah dayda
oo gacan i sii waxaan rabaa guul inaan helo e
geyigaan is leeyahay walaal waajib kiis gudo e
hadaan godol ka maan soolihiyo gabay la soo tuujin
ama aan guntiga dhiisha iyo gaadhka la adkaynin
go'doon bay ku dhacayaan dalkiyo gabi ahaan beeshu
waxaan gole u xayn daabay een geesi ugu yeedhay
ama aan abwaanada gadhka leh gacal u soo mooday
inay ila gartaan talada ooy guusha dhaliyaane
waxa lagu gabood falay hiddihii nagu gadaanaa ye
waxa geesta laga dhaafay ee la iska gawdhiidhay
galladii rasuulkiyo xaqiyo guule amarkiiye
gadaal bay dhigeen diintiyoo gooye xadhigiiye
gaaladu waxay soo qortay maanka galiyeene
gaajada dal keeniyo baryadu waa is garan waaye
geedaheeni way waday jareen waanay gubayaane
egalaan biyo ah lagama helo godan hargaysaade
gidigii dalkaba waa harraad taan u go'aynaaye
gucla orod biyay goobayaan goor iyo ayaane
gurgurshaha la dhaanshiyo sidii awrta lagu guuro
gabdhihii dhabadahaa ayay ganac ku beelene
gurboob kiyo caruurti bakhtiye gaajo waa cudure
madax dii gayi-gan loo igmaan taloba goynayne
iyagays gadaayee sikale ugama gaab sheene
iyagaan gargaar gaysanine maynu gadaneene
ummadaba galiilyaa heshoo goosme badidoode
waxa gabay abwaan koodiyoon niqin gartoodiye
gurmad lagama helin gaariyiyo geesiyaal kale e
ganay iyo hadraawan mar qudha kaba galiilyoone
banfas baan gediisii u tirin arar leh giiryiiye
muuse aaye muu kaga gig siin gabayadiisiiye
cabdi qaysna uma goyn murtida garan gar teediiye
yuusuf shaacir galladdii abwaan gool kumuu dhaline
cali seenyo waa kaa gabee gooyaya hadalkiiye
qolqol baan gediisii xigmado gabax ka soosiine
cabdi kama gabado meel hadduu gaad is leeyahay e
wax se gaadhay mooye beryahan waa gabaabsiyay e
u gad baxa geyigii wuxuu rabaa gacal u hiishaa ye

afar taa gaddii faarax nuur gololo maw sheegay
ma gardaadshay bayd gaabku wuu kaa guracaayaaye
guntin taan u xidhay geed lab kiyo ararta gaw deeda
intaan gabayga sigib tiisa tiray gocasho maw diidday
gabay kalena waataa waxbadan godolak waydeen e
garta gacala yaaloow murtida waw god deyayaaye

gaashaan qaadki jaad buu gamtiyo gaw da ku hayaaye
waa niman naftoodii guboon gacalna xaalayne
waa niman geyiga iibin laa qaad ku gadan laaye
gabalkii dhacaba waa ragaa daaqa geedaha e
hadday garasho leeyiin xaqay garan lahaayeene
hadba waxay u guuraan halkii gawsku uu dayo e
gabdhi hii tahriib bay galeen geeri beegsade e
waxa lagu gumaadaa jidkiyo gole cadaaweede
nimaan gayin ayuun baa goshiyo gooya dulucoode
guryo nololi taaalbay intaa socd ku goobaane
hayeeshee waxay nala galbaday waa gunimo wayne
guurtidiyo duqay dii xilkii waa kuwii gaday e
galin waxaan tareen bay dadnimo goor xun siisteene
hadba goosan baa lala faqaa gacan la siistaaye
gadaal iyo horaa loo wadaa labada geesoode
gardarada ayay raacsan yiin gooysa dhuuniga e
nabaddii gaf baa lagaga dhigay iyo kiis la gelayaaye
hadduu ruux is giijoo xumaha kaba galiil yoodo
qarankuu gambiyayaa ayaa lagu ganaaxaaye
god madaw ayaa lagu ridaa lagu garaacaaye
gangaan kii siyaad kama duwana geeshka taliyaaye
u ged baxa geyigii wuxuu rabaa gacal u hiishaaye

Qadoodi

Tixdan oo aan ka tiriyaya qaarka mida dhibaatooinka qaadku ku hayo umada waxay soo baxday 22/08/2008 waan qayb ka mida silsiladii wacyi galinta ee qaadka waxa magaceeda la yidhaa

"Qadoodi'

beryahaaba qaaflayda gabay soo qor ma lahayn e
ka qamaaday sugaan markay qaad ku tiriyeene
qurux deedi waa tii mar hore qaydka loo ridaye
quwad na malaha xaajadu haddaan loo qotomin tiire
Qarfo dhagaxa qawraarin iyo qar iyo buur dheerba
meel qodax leh kayn iyo qol iyo qaarad laga guuray
halka qoriga lala joogo iyo dirirta qoor teeda
cadceed qaawan qorax doo barqada nuurka kugu qaaday
qumuc yada hubkaa qayliyiyo qaraxa baaruudda
qoton gabay leh qaafiyad hadaan arar ku qoor diido
ama aan qorshaa lagu dejaa qun ugu luuqeeyo
iga qabo cismaanow tix baan soo qadimayaaye
qarash lumay qasaaraha dhiciyo qado la'aan teena
qorsha xumada qaan raadintiyo wada qayuur naanta
is qaad qaadka kibir kiyo qabkiyo been qulqulin teena
inta qaadku noo gaystay iyo qoomamada buuxda
qolo qolo is diid kiyo xumaha qaranka loo gaystay
qabiil sheegad sii kala qalqalid qurub ku faan keena
waxaan nahay dad iimaan ka qaad qaybi ay tahay e
waxaan nahay quruun aan fikirin oo qalbiga wayday
xoolaha ba xadhig baa qabtoo qoorta loo sudhiye
waxaan nahay quruun aan sharciga qaadan waligood e
hadii aan qumbulad jaada iyo qarashba loo gaynin
qareenkoodu duulbaynu nahay aanu hawl qabane
xafiis yada waxaa laga qaxaa goor aan loo qorine
qalad iyo haduu ruux dhib iyo qadaf ba kuu gaysto
adigoo qasaariyo afxumo lagu qataysiiyay
kiina qaadka bixiyaa gartii loo qudhqudhiyaaye
qol garaabo taaliyo intaan qaad sun lagu beeray
iyo qudhun sigaar iyo xashiish qiiqa la shidanayno
qiimihii hadaan tuuray oo qaadnay sharaftiiba
inta qaadku gaystaan badhkeed soo qadimayaaye
qurux diyo dadnimadii mar hore yaa la quudhsay e
hadii guur qalbiga kuu galood reer qorshaynayso
amma aad qalqaallada aroos hawlo qabanayso
haddii aad qalbigu tuu calmaday ee caashaq kula qaadday
quruxbadan hablaha qiima dheeer cidina quudhaynin
qormo laysku jecel yahay haddii qodinka loo taago
qosol farax leh madashii haddii heeso laga qaado
hadaan qadada jaadlagu darayn qiiqna lagu biirin
hadaan quudka geeduhu ku jirin meeshu waa qaliyo yoolyool e
intuu qaadku noo gaystay iyo qoonta nagu taalla
bal aan qaar ka mida soo ban dhigo oon qiiro kugu beero
intuu dhimir ka qaad siiyay ee quusashada joogta
qaaxo iyo kuwaa cudur qarsoon hoos u qufacaaya
qoys iyo intuu reer tiree meella qaban wayday
qool iyo intuu dabin gashee xadhig ku qoolaban
iyo qaadku tii uu na baday waan qarsanaynaaye
bal aan qaar ka mida soo ban dhigo qoonta nagu taalla
haddii aad kun soo qabatid oo qaadir kuu dhiibo
qado iyo adoon shaah midnaba calaf u qoondaynin
qaad baad ku soo iibsataa waad is qarisaaye
qadoodaad caruurtii baddaa quus inaad tahay e
marka aad qaniintaad mirqaan qosol bilaw daaye
markaasaad sidii qalin geel qoorta lalisaaye
mijin tii aad soo qaadatoo qori ka sii yaalo
qarafiyo markasaad shaxaad qiima galisaaye
qajilaada ruuxii jaree qubay xishood kiiba
ee aan qadarinayn cidnaba waa qisiyo yaabe
qasab iyo amaah baad rabtaa inaad ku qaadaaye
kuwa qaadka iibsha isqabsad oo garta ha qaadan
qaldanaanta waxa kaaga daran qaanacaad tahay e
qurux wacan haddaad beri lahayd qaayis baad tahay e
qalin iyo hadii aad duruus qaadan jirtay waayo
qaafil baad hadeer gaadhay oo waadigii qubay e
hadii aad qoraa iyo ahayd qaari talinaaya
qayladaad ku jeceshahay murtida lagu qal weeyaaye
nin qayila haddaad tahay xigmadu wayska qurafaade

dhalandhool

Waa gabay kale oo soo baxay saaka oo ay tariikhdu tahay 10/08/2008 wuxuu si dhaba u taabanayaa dhibka inaga haysta jaadka waxaanan ajaynayaa inuu dad badan wax u tari doono insha alla

In dhowayd ba waa taanan dayin deelki maansada e
ma dareernin heesii waxaan door lahaan jiray e
iska daayay gabaygii hadaan cidiba doonayn e
in kastooy dareen tahay murtidu maax ku soo degaysa
damqashaduna kaa keento iyo waxaad yar diidaaba
oo aanad dayn karin midh uu daayin kugu beeray
dabuub tayda maqal jaamacaw durugtay weedhiiye
dad haduu is laam yahay xumaha waysu diidaane
way isu digaan gacalku yoo naar allaaa laga digtoonaane
dheg damani se waanada waqeed way ka durutaaye
in kas too dabuu qara leh iyo arar ba loo deexdo
ama uu nin xuma diidayaa daahir ugu sheego
ama diinta sheekhyadu wacdiga ugu daliishaan ba
dad qof kii ilaah waaniyay deeqi sheekadu ye
ha yeeshee dusheena la sudhay waajib dago wayne
kol hadaad dareen kiyo aqoon daayin kugu beeray
adna debeda wada keen waxaad garasho duun hayso
duhur kana u wada sheeg qabraa laysku dadayaaye
su'aal baa dambaysee murtidu yaanay kugu daahin
dhaqan keena doorsamay anoo diidan xumahiisa
anigoo dadkeeni dhibtaa uga digniin sheega
anigoon ka daahayn inaan doorba wax jooga
uga doono maansada tiraab damacna dheereeyo
kol hadaan cid doorsoontay oo dib uga laamaysa
oo qaadka daysiyo la arag duulal ka xanaaqa
waa uun ku daal waxaan idhaa sida danbayshaase
bal aan kuu dul maro xaajadaan daysan kari waayay
dib jirnimuu u bixi ruxuu hadduu daaqo geedaha e
dadnimo wuu ka tagayaa qofkii diirta qudhunkaase
dumar lama caweeyoo xarago way isdaayaane
dhaqan kuma dambeeyoo xumuhu wayska dabcigiise
xishood maba daneeyoo indhaha yaa diiran oo muruxe
xoogsi uma dadaaloo shaxaad kuu ka door biday e
dulli nimona qaayibe raggaa dadarta quutaaye
waxay daayaceen rerihii oo daadshe ubad kiiye
dumarkii furoo waa horay wada dalaaqeene
niman kaa barjuhu daashaday ee wada daraagaysan
niman kaa dambaabkuun akhriya ee beenta wada daadsha
naman kaa ilkaha daamuriyo ligiska aad diido
dux waxaan ku galinayn raggaa duhur ka ruugaaya
dawar siga kuwaa lagu diree dumarka quudaaya
dawladaha shisheeyaha ku waa lacag u daaduunsha
dug si qudhun leh niman kaa fadhiya ee darbiga jiifa
doodadaha siyaasiga kuwaa diinta ku qaldaaya
ee muran docdii loo kacaba lagu duqaynaayo
ee aan dadkaa buuqayaa hadalka daynaynin
ee aad digtoorada cilmiga daadshay u malayso
hadii ay damiir leeyihiin wuu dabri lahaaye
oo jaadkaa la daynaa maruun geed kan ina doorshay
kol se hadaan wax digigxoonayoo diira la arkaynin
oo uu dadkeenii barjaha galin ba daan kuuso
dhaqaaliina daadagay markii cidi danayn wayday
dalkaba waynu iib gayn markaynu caydh u dalan doolo
dadka kale haduu dheeman iyo qodayo diinaarba
ama carabtu dooxyada badrool wada dareerayso
xolahaa dalkeenana u dhaqan oynu dayanaaye
ma dananyno oo wataa dhamaan jaadka lagu doorshay
ma daryeelo'oo wataa hurdada lagaga daahaaye
geelleeniyoo wada dib jiri suuqyaduu haatan daaqaaye
daba dhoonadii buu intaa doon is leeyahay e ................................(geelii oo baadi doona ah)
adhigii dammaan kiyo lahaa daabax iyo iibka
lo'dii doonyo lagu qaadayeen dhoof u diranaynay
daddar baynu wada siisa noo waa dam xera diiye
haddaan sidan la soo doorin oon daayin laga yaabin
dalkaba waynu iib gayn markaynu caydh u dalandoolo
dawladdaaba ugu liida too iigu sii darane
hadii ay shir loo soo degdegay dayrka madax deenu
oo ay dastuur iyo wadaan xeer la daba joojo
kol haddaan mirqaan lagu darayn way is dilayaane
waxa loo dalbaa gaadhi yaal daabuloo side
kolka sida duggaagii bar-jaha raamsi dami waayo
ee ay dux diisii gashay muran ka deex daane
wixii deeq shisheeyiyo ku yimi dumar cashuur tood ba
dadwaynaha xaqooday intaa daanka dhigayaane
mar hadduu dad keeni dhibkaas dayn ba kari waayay
dalkaba waynu iib gayn markaynu caydh u dalandoolo
***************

jaadka iyo dhibkiisa

Tix dan gaaban oo igu dhalatay shalay mar aanu wada hadalay nin qaad cunaaya oo ii sheegay in uu reerkiina ka tagay ana aan ka xumaaday si dhabana ii taabatay saba xumada uu reerkiisa uga tagay waana ninka aan ku halqabsaday ee aan magaciisa ku shegay gabayga wuxuu soo baxay shalay oo taariikh du ahayd 07/08/2008

in dhowayd ba gabay gii cabdoow daayay curin tiise
cidad laba gu'yaan dhaafay oo luuq ma celin e
waxaan arar caruus iyo lahaa heeso lagu ciido
ama aan cod loo bogo murtida kaga ciyaar siiyo
kaba cagcaagay oo wayaadaa way cakiranayde
waxan caawa igu beeray ee aan cag dhigi waayay
aan cadeeyo waa taa wax badan soo codsanay seene
aduun yadan cir kaa gaadhay ee caratay guudkeena
aduunyadan cadceediiyo dayaxa caga la soo saaray
aduun yadan cilmiga saynis yahan culimo loo doortay
aduun yadan hubkeedii cuslaa laysku carinaayo
inaguna caleen iyo sun baan calalinaynaaye
caqligeeni waa kaa ku gudhay jaadka cunis tiise
carruur teeni waataa camiran jeelel cadibaade
caar kiyo haween kii wakaa ceeb la badayaaye
dhalintii cagtaa laga gujoo diide carigiiye
caraabay ku soo wada jiraan calana loo taagye
cindigooda waxa lagu unkaday ciirso meel kale e
hadii aan caraabaha tahriin lagaba caagaynin
ama qaadkan ceebaha na baday cidina daynaynin
rabiyoow nawada caafi oo cayn kan naga doori
duqaydiyo ciroolii mataro cadayna waa maale
ciladaa waxays ka leh dhirtaa lagu caweeyaaye
sida xoolo soo wada cokomay oo raamsi celinaaya
waxay cala naqsiga fiidka hore cuna cuneeyaba
caafimaad ma seexdaane way soo indha cadyiine
camalna lamaba doontee dadkaba caajis baa dilay e
haday laba cantuugiyo helaan qado la soo cuurto
iyadoon cunaha dhaafin bay qaad u cararaane
casar kii hadaad suuqa dhexe caga ku soo dhaafto
cid la ciirsilaad moodaysaa aan cidba lahayne
rabiyoow nawada caafi oo cayn kan naga doori
hadii aan cid naga joojisoo geedkan celinaysa
ama dawlad caaqiibo loo diidda cunidiisa
ama culimo diintii wadoo sheegta ciladiisa
dhakhaatiir cadaysoo barjaha sheegta cudur kiisa
dhalin yaro is ciirciirsatoo daysa cunidiisa
odayaal ka caagoo talada soo celcelinaaya
carigeenu inuu baaba'aan cidina diidayne e
rabiyoow nawada caafi oo cayn kan naga doori
cadrad iyo intaa gabadh cudoon cidiba eegaynin
ee guurki laga caagay ee furis la caadaystay
ee ay ciyaalkii lumeen een cidina xaalaynin
iyo dhaqan kii ceebaha ku dhacay waan cabsanayaaye
inta curad mirqaankiyo la baray jaad ka cunis tiisa
ama cayn wareegtee kharaaf lgu ciyaarsiiyay
ama sodoh taqsiin cuuratoo camamka soo buurtay
rabiyoow na wada caafi oo cayn kan naga doori

haysku keen urursho

Gabaygan gaaban waxaan sameeyey anoo tareen saran kana imi magaalada Leeuwarden oo ku taala waqooyiga Noland kuna socda Roterdam oo ku taala koonfurta holand waxaan ahaa kaliday waxaanan xasuustay gabadh aad u qurux badnayd oo aan xalay isku baranay aroos aan ka qayb galay oo ka dhacay tuulo ku taala dhinacaa waqooyi ee aan xalay oo tariikh du ahayd 12/07/08 ayaan is idhi hadaad inan tii amaani lahayd maxaad ku odhan lahayd hadaba galabta ayaan intan si kedis ah u idhi 13/07/08 19:50 waana kan ee akhris wanaasgan



Asal raaca edebtiyo wanaag inani ay leeday
waxa loo irkaa hooyadeed laguna eertaaye
kol hadii asluub teeda wacan lagu amaanaayo
iska garaty inay oori khayr igu ahaanayso
calaf kana ishaarada ducada waa lagu ikraaraaye
isma seegno ee eebbaheen haysku keen urursho

ku arkaye il waadeey hablaha kula asaagoo dhan
aqoon taada oo qudha ayaan cidi ku eekeyne
quruxda na ilhaaneey hablaha adiga wee yaane
timaha aad alaabaysay ee olol ka nuuraaya
ilakahaaga siman iyo suuniyaha luqunta ee geeda
eegmo kuma bog tee eebbeheen haysku keen urursho
is raacsani amaaleey hab dhaqan aayar socod kaaga
af samaanta sheekada nafta leh erey wanaaggaaga
ixtiraam ka sharaftaada wacan eegmo quruxaaga
i dhex qaad jacayl kaagu yoo eebo igu taagye
idilkood haween kii mar qudha dhaafay idilkood e
agjoogaaga waan doonayaa eebbeheen haysku keen urursho

adigay naftaydii indhaha kugu adkaysaaye
adigay ijaabada ducada eebbe bari daaye
adigaan is leeyahay la'ool aayatiin kana e
adigaan ilaahay baryada oohin qayshaaye
ubad inaan dhaliyo waxaan rabaa oori ii noqo e
aroos ila yagleel oo rabbigu haysku keen urursho
waxaad tahay ammaan tii haween eebe midu siiyay
waxad tahay aqoon dumar midan erey la dhaafsiine
ammaantaada lama koobi karo aayar gacalooye
indhahaygu aragaaga way ku istareexaane
kolay inaad hablaa ayniyee aaga kula jooga
ugu aragti wacaan taa nafatani igu adkaysaaye
ehelkayga noqo oo rabbigu haysku keen urursho

Deelay

Tix dan gaaban waxaan kaga qayb galay dooddi gabayada ahayd ee deelayda oo aan anna sidii iyo halki ay wax iiga muuqdeen ka soo galay sida anigu aan wax u arkaana waxa weeye maadaama aad adigu tahay qof gabyi kara waxa ku saaran xil bulshadana adiga ayaa gadh wadeen u ah oo ay kaa arin qaataan sidaas darteed waa in had iyo jeer wacyi gali badan lagu daraa gabayada waxaan sameeyeyy 02/07/08

Ninka deelka furay ee
dooda noo bilaabee
gabayada dareershee
hadhwanaag u diray oow
salaan diiran iga hoo
marka xiga dareenkii
adigaa dilaac shaye
duuduub war lagu yidhi
dibno aan cod saxa wadin
raga doorkan maanta
ku dacaaya deeyee
iska daa ku yidhi baa
dawgii ka leex dee
anigu waan ku dirsaday
waxaan idhi dadbaa jira
da'yar wada abwaanna ah
dalka wali rag baw hadhay
qaar difaacayaa jira
qaar u doodayaa jira
kuwo duullan gali kara
goblan maaha degel kani
ninkii damac ku soo jiray
digniin bay u tahay wayn
afartaa dareershee
doodkale na iga hoo
docdan iyo jabuutaa
dani iga hayaa iyo
darkaloo ka digo dhaw
ha i dayso baan idhi
waxaan uga danleeyahay
nin dadaalayaa jira
ehel doojiyaan jira
dadka oo dhan wada wada
daris kana daryeel tara
wax kastooy ka doonaan
gacan daraa jira
abaalkaa deg degayana
iska daa wax celi yoo
is diidsiinayaa badan
waxse igaga sii daran
wax kastoo dadaashood
deeq siisay hadal kood
kalgacayl ku doontidhi
may dareemin gacalkeen
doqon baaba lagu yidhi
adigayska daalaye
yaa kuu dirsaday taas
dadku wayska caynakaas
waxaad doonto mahee
duubduub warkaas oo
dawo kale ma haysaan
afartaa dareershee
dood kale na iga hoo
dawlad ni mada teena ah
dimiquraati lagu hago
doorashooyin wada saxa
oon dil iyo xasuuq jirin
nabad lagu dannaadiyo
degmo farax ku wada nool
maamul aan ku diirsado
xisbiyada dan wada wada
hadday doodi kulushahay
dakhar baaba ugu yare
mid aan dhiig ku daateen
yaan dagaal ku sheegine
iidaa dheh shicib koo
hayga didin dadwaynaha
afartaa dareershee
dood kalena iga hoo
deeleedi waa hore
abwaannadu dareer sheen
dareenkay ka dhalatiyo
wixii kiciyay duulkaas
iyo doorkan maanta ah
kala durug san weeyaan
dalaku inuu nabdoon yahay
dadwaynuhu awood yahay
dawladuna shacbiga tahay
doorashaduna cod ay tahay
distoorkuna axkaam yahay
dibnaha na xor laga yahay
waxaad diido sheeg tahay
dirays ciidan leeyahay
dayr iyo xad leenahay
isku duubni qaran nahay
dusha calan u sudhan yahay
damiir keenu adag yahay
iska diidnay xamar tahay tahay
nin ka soo dan qabaana
la dagaallan ay tahay
duni duna og soon tahay
ma qof diiddan baa jira?
afartaa dareershee
dood kalena iga hoo
dareen aasan baa jira
cadaw ila daggaan oggay
dad is nacay la ii sheeg
tahriib baa i daba galay
dal shishaan u kacayaa
doonnibaan ka dhacayaa
dhimashaan la deris ahay
is biimaynta doqonta ah
abwaanna dalkaygoow
dumaddiina inay tahay
dadka inaad la hadashaan
dacwadaha u fidisaan
u digtaan dhamaantood
ka diirtaan dhibaatada
deelay ka tirisaan
damqashan ku ladhan tahay
wixii duni ku soo lumay
daliil ugu cadaysaan
gobanimada dumug tidhi
dib u usoo abqaashaan
lagu duro aqoon yahan
kuwa wali ka diimoon
dawodooda laga dhigo
ma qof diidan baa jira?
afartaa dareershee
dood kalena iga hoo
jaad bayna daashaday
dhaqalii la daadagay
guryaheeni wada dume
ubada kii dayacan gale
sharaf tii dalkeeniyo
duntay noloshii saakoo
sooodoh jaadaka diirtiyo
dumar wada qayiyalayaa
doorkan aynu aragnoo
ragii daaqa wada baray
shaqo doonan mayaan
xumo kama dambeeyaan
nin kaan suuqa damac gayn
labana aan ka soo dafin
doqn bay ku shegan
ninka daaya geedkee
ka durkee iskaga taga
way dacaaya deeyaan
dulli bay ku sheeggaan
abwaanada dalkaygoow
dadaal aan bilaw niyo
inaan dumino garashada
damacaa abuurtee
dhaqan keenii dumasee
dhalin teeni dubatee
maskax dii ka dumisee
iska daba wareeg iyo
doqonnimo ku keen tee
dulleed kaa u wadhannahay
aan dagaal ku qaadnoo
ka digiigixoonoo
wacyi galin ka doodnoo
intaan dumugba lagu odhan
wax u doorsha kenee
ma qof diidan baa jira

omaliland forum

tix dan gaaban waxaan ka tiriyay markii aan ka mid noqday somaliland forum oo la i waydiiyaya su'aalo ana aan is cadeeyey halka aan kaga beegnahay waxay ahayd 5/6/08


Faraj kii arooryo cadceed soo fad kudinaysa
Fallaadhaha markay wada gan tee feedha ka iftiintay
Mugdi lama filaan ihi hadduu foorar kugu jiidho
anaa gacan ta kuu fidin yee faraha soo fiiqo
salaan fiican oo kula fac-aan faras ku soo qaaday
faadhumayso heeryada ka furo gacalku waa fay e
fahmay ereyadaa dee hadaan sii furfuro sheeko
ama falagga meeriyo xiddigis faalka ku hillaadsho
allaylehe warkii farax i gali fiid kan ii yimi ye
qoraal uu farshaxan dheeryahoo file la daba yaallo
markaan fiiro dheer ula kacuu faham na ii deeqay
inuu foorum kani guul helaan fulay ogsoonayn
mashaariicda loo feytay ee fulay dhamaan tood ba
darka miidhiyaha foorar shee feedha ka eryooday
kuwa faranta noo jooga ee cadaw ga feedhaa ya
filiqsan i dadkeenaa qurbaha fay kastaba jooga
ee kala foogaadee haddana foorum wad jooga
nin waliba wuxuu soo fidshaa faa'iiday tariye
hadaan aragnay inuu fiiga yari meel fog ka hilaacay
ama aan iskuulada la furay faa'is kaga gaadhnay
ama uu agoomaha farsami fiican ugu deeqay
fadka bari galbeed iyo ilaa foorartada xeebta
halka saylac furaheedu yahay lawga forontiisa
inaad hawl ka soo fulinayseen saani loo faham ye
inta sheeko lagu faani karo foorum kani gaystay
kolkaan ceerigaabo fiirshaa arkaa hawlihii fulaye
nin hargaysa fiid soo galoo yara fakaad meeray
sharcigaa fidsamay dawlad nimo fiicni lagu gaadhay
farahaa dadkii ula tagee foolxun ka ilaashay
ee dastuurka faygiisa saxay foorumkaa diray e
waa guulo lagu faani karo dhawr fac oo kale e
in kastoonnan faankiyo jeclayn sheegashada fiicni
soomalioland wow fur nahay waanad filayseene
waxaan ahay nin ficil; muujin kara meel fagaara ah ahe
haddii ay farriin tahay waqay faagad ma ahaane
bakhayl nimo laymaba filayn fulay xantii sheegye
waxaan hadal ku soo food jaree igaga kiin faaya
in dalkeennu fiicnaado uu fayga sare gaadho
dhiigaygaan u foorarinayaa dhimasho food saarta
naftaydaan ku furan xaajadii loo fir bixin waayo
faramaha dagaalkiyo halkay foogan tahay dhiilo
inaan cadawga foojigo ku dilo gaadhna kaga fay lo
dhanka aan fadhiyo haw filan inuu cadaw faraa saaro

ladh

Tixdan yar ee gaaban waxaan sameeyey 30/05/08 ka dib markaan akhriyay buuga yar ee sheekada ah ee uu qoray C/laahi cawad cige ( LADH) oo aan aad iyo aad uga helay qaabka qoraalkiisa iyo dhumuc da baaxada oo isu kay qabtay iyo sheekada oo macne aad u sareeya leh


dhaxal reebka maansada haddaan yara dhawaaq taabto
haddaan dhibicda suugaanta iyo dhoolka gabay taabto
bal aan dhuuxa sheekada yar galo oon dhigdhigo dooda
taariikh dhigaal iyo dhagaal qalinka loo dhuubay
iska dhaaf midaan gayin haddii buuga lagu dheehay
hadday dhimasho joogtiyo haddii dhiig u qubanaayo
Cabdillaahi wuxuu soo dhex dhigay hawlihii dhacay e
dhinacuu kayara muujiyoo dheehda ina leeyey
wixii dhacay dhibkaan soo mariyo dheef wixii jirayba
wixii inan dhalaalkeeda sare dhuuxa ka iftiinta
dhurwaagii intuu fiid la dhacay dhimatay ee mootan
inta gabadh dhammays oo wacnayd dheega lagu qaatay
inta uu sarkaal soo dhukusay dhuumashada boobay
ama gaadhi dheereeya iyo dhooli lagu qaaday
ee dhaxal wareegtee kuyuu dhawr nin lagu sooray
buugganay ku wada dheehan tahay dhaar anaa maray e
dhanka kale mirqaankii dhintiyo jaadka dhibihiisa
majaaliista laga soo dhurtuu dhoobana qaadku
dar uu hadalku dhibayaa ku badan waa xaqiiq dhabahe
sharcigoodi qaar uu dhacoon dhinacna eegaynin
oo dhoohan oo wada qayiran oo wada dhawaaqaaya
haween dheefta iibkiisa oo lacagta loo dhiibo
bayacad mushtari dheer haddii dhoofka boobo
is dhiib oday askari dhoohan oo jeelka kugu dhiibsha
iyo dhecaankeeda kii rabay oo dhuunta kalidii
buugganay ku wada dheehan tahay dhaar anaa maray e
ma dhammayn karaayee dhulkay marayso dooddiisu
sixirkiyo dhunkashaa is barkani dhaayahay qoyne
wagar dhinacyadaa loo fidshoo maabab ka dhigaya
oo laydh dhalaalihi ka baxo dheega iyo baasha
oo tilmaanta kuu dhiibayoon dhinacna kuu leexin
buugganay ku wada dheehanatahay dhaar anaa maray e
dhaqtar aan ku daawayn karayn waa dhib iyo hooge
haddii uu dhibsado baadhistii dhiigna waa galabe
oo uu iskaa dhaafsho uu diido dhinacaaga
oo aad dhaqaaq joogsatood dhiirranaan socoto
bal aan dhowro waxaad soo dhahdaan dhaafay hadalkiiye

dadka laxaad iyo maskaxdaba wax ka qaba

tixdan gaaban waxaan sameeyey shalay23/05/08 oo ay si kadiso ah iila soo hadleen dhalinta ururka nomaad si aan wax uga idhaa kulan ay ugu talo galeen in waxloogu qabto dadka laxaadka wax ka qaba ee aan jiifkaba ka kici karin waxaanan runtii ka qiirooday markaan arkay sawirada dadkaas laga soo duubay oo aan ilmada haysan kari waayay waxaanan idhianoo ku halqabsanaaya daariq oo ah ninkii i soo casuumay

Daariqoow carigeena
curyaan aan soconaynin iyo
caama aan wax arkayn iyo
cuduro gooya gamcaa
oo cadilaaya garaadka
iyo masiiba camiran
wax kastoo cadibaadana
caruur uu eebe u dhiibay
oo caloosha ku siiqaya
oo beerka ciida ku haysa
cajalad aad ku sideen
cisho aan yara eegay
ilmadaan ceshan waayay
cadadkay soctay
cajaa'ib bay i tustay
cududooda dad aan
ku soo ciil baxa hayn
caafimaad nin qabaa
ilayn wuu cararaaye
cagahooda waqood
aan calaacal dhaqaaqdiyo
talaabo ciirsan karayn
hadii uu cirku hooro
aan ka cayman karayn
gacal caawiya mooyee
cunto aan darsanayn
waa cibaaro aduune
kaadida cawda ka leexi
cimri good u dhaqaaqin
masaska caynt ku nool iyo
cadawgaa dhulka buuxa
iska caabi karayn
carab koodu dad anuu
hadal soo celinayn
hadii uu ciil ku gadhoodho
cabashadooda dad aan
caawa sheegan karayn
cadkaa jiifka ku noo ee
waligood cadib naayee
cabitaana dan weeye
waligood isu ciidmin
daariqoow cimrigood
farxad may ku cawayninoo
maycadaynin ilkaa
marka aad wax cunto
caday baad marsataa ye
cimrigood dhalintaasi
cudud ruux kale haystay
ka casuuman yihiin
rabbigii cirkan uumayna
caafimaad inuu siiyo
caawaba wuu u karaaye
inagan uu cibro wayn iyo
cashar inooga wadaa ye
uma waayin cudooni
inagaa caqligeeniyo
cibaadadeena qiyaasiyo
cabiraad looga dan leeyey
inagaw cida maanta
inaga camalkeeniyo
cuudka aan tabcanayno
wax inaan celino
cinda laahi u dhiibno
codsigu uu u socdaaye
ceebi yay ina raacin
ruux haduu cadilmoo
ka curyaamo laxaadka
ma cawaysto waqii ye
inuu caadil ka qaado
curduduubka naftooda
cudurka iyo xanuunka
ka caraw sho habeen badh
caafimaad wata laydh san
subax reerku ku ciido
ruuxkastana codkiisa
uu ku ciil baxo maalin
cagahiisa ku guuro
ilaahay cimrigooda
inta caawa u laaban
caafimaad ugu deeqo
cazaawa jalahii yoow
adigaa caalimul qayb ee
carab kayga ajiib
aamiin aamiin

Tisqaad

sidii cadiga ahayd kolba waxaan ku boodaa halka xaalu marayo e saakana waxa taagan dib u dhalashadii somaliland ana tix daydii halkaas ayaan ka amba qaaday gabaygan wuxuu soo baxay 10/05/2008 sabti waa xafladii East london iyo ka qayb galkaygii waana tan

Indhowayd ba gabay gii ka tagay heesna maan tirine

Ma tiraabin maansooyin kaan teedin jiray waaye

Talo guud markuu yuu naxwuhu taabo galayaaye

Aan tilmaamo caawoo kaluu toosin leeyahaye

Toban iyo todoba baan soo jirnay iyo tiriyo dheeraade

Nabad lagu taanaadiyo samaa taabka noo galaye

Hadaan toban kun oo wiil u dhiman calan ma taagneene

Hadaan talada odayaashu qaban sharaf ma toosneene

Hadaan shicib ku taakulo ku darin qaran ma taagmeene

Hadii aan tastuur loo samayn tacab ma yeel meene

Toban iyo sided may na waa tilmaan adiga kuu taale

Waxa galabta loo taagan yahay taabo galin teede

Ha tis qaado hana toosto oo yaan la kala tuurin

Raga talada loo dhiibay oow tiirsha magaceena

Oo yaynaan tasayn waxa u go’ay toban kun oo wiile

Taariikh daynu leenahay nin ogi gacanta nootaagye

Tartan bay aduun yadu ku tahay taynu leenahaye

Tu ay axmaarada ku tahay taa ku dhinac taala

Nin waliba tab iyo xeelad buu soo tukubayaaye

Isku tiirsadaay wada jirkaa tabar ku leediine

Taakuleeya kii yara jilciyo tamarta kii liita

Isu tudhana yaydaan ku dhicin taabka cadawgiine

Dhaqan kana ha tuurina dadnimo waa mid kula taale

Markaad tiisa dhawr tahay dadkuna taabac kugu yiine

Tima jilic ba waad aragtay oo toodi may lumine

Ha ka tagin tilmaantaad lahay sharafi waa taase

Islaamnimada waa lagu tudhaa taynu leenahay e

Tawxiid ka haystiyo wardiga iyo tasbiixdiisa

Tukashada salaadana xejiya oo jamaca soo toobsha

Tiriig baa ka baxa meel haduu xoog tumaatiyo e

Marka toban is raacdaa wax qabad taabo galayaa e

Somalaa tilmaan to ku tidhi hadalo taariikh leh

Haday gacantu kali taagan tahay tahar ma goyseene

Taban taabaday laba gacmood tamar ku yeeshaane

Isku tiirsadaay waxaynu nahay talo wadaagtiiye

Tuhun galiya cadaw geena oo tacab ka wayneeya

Tilmaan ubad ka aan uga tagnee qorana taariikhda

Ha tis qaado hana toosto oo yaan la kala tuurin

sanad wanaagsan

Tixdan waxaan sameeyey markii sanadkani dhashay oo aan duco iyo soo dhowayn ugu sameeyay waxay ahayd 01/01/2008

Sanad ayaatiin loo
astaan gaara yeeshoo
la ilaawin ii noqo
aqoon iyo wax barashaa
iftiin lagu hilaadshaa
sanad alif ka beeroo
ubadkeena koriyiyo
arxan galaha ii noqo
nin aduun ka buuxaa
awood sheegta dunidee
mid arzaaq ka buuxoo
nimco igu itaaloo
arligeena deeqoo
i anfacaya ii noqo
umaddayda nabadiyo
gobanimo ku ururshoo
ka ilaaasha xumahoo
samo nagu adkeeyoo
ididiilo bixiyiyo
sanad eelka reeboo
loo iisho noo noqo
sanad aan aqoonsiyo
ictiraaf ku gaadhoo
calan kaygu umadaha
ka ag muuqdo ii noqo

dhulkeenii abaaraa ka dhacay

Hadaan dhaho hadaan sii dhigdhigo gabayna kuu dhiijo
Hadii aan murtida kaaga dhigo nuxurka dheeftiisa
Bal dhegayso waxaan kuu dhambali jaamacoow dhagaxe
Anigoon wax dhiba gaysanayn ceebna ka dhuyaalay
Anoon ararta dheeraad ku darin dhinacna lay eersan
Anigoon dhankaas iyo dhankaas midina ii dhuuman
Bal I dheeho waxaan kuu yar dhuri jaamacoow dhabaqe
Dhulkeenii wareer baa ka jira qaylo iyo dhaane
Waxa loogu dhaanshaa biyaa booyad sii dhixiye
Xoolihii haraad bay dhinteen daaqna ka dhamaaye
Ubad kii dhanqalan baa ku dhacay oo waa haraad dhab ahe
Jiilaalkan dheeraaday ee naga dhamaan waayay
Inteenaa u soo dhooftay ee yurub ku dheelaysa
Xageenaa la soo dhawrayaa gini na waa dheefe
Inaan sidatan dhaanaan raabaa lacagta dhiibnaaye
Dharaar qudha kol ay tahay maruun oomatada dhaafa
Haday toban kun dhiibaan shan gini kharash dhan weeyaane
Dhab u galiya jeebkii gacmaha oo dhiiranaan fidiya
Allihii dhibicda soo dayn jiree dhiijin jiray roobku
Inaguu inagu dhawrayaa inaan wax dhiib naaye
Wuu karaa dharaar qudha inuu mayay ku dheehaaye
Wuu karaa inuu dhool u da’o weelka laga dhaansho
Caqligii dhamays ihi dhabcaal nimo wuu is ka dhaafaye
Dharaaraa kulaylkee nimcadu dheeli tiran diido
Ee ay diraacdii dhirtii dhuuxa ka idlayso
Dhiig iyo ninkii uus lahaa gacanta soo dhiibye
Marhadaanad dhiidhiyin tolnimo waa wax kaa dhimane
Wax ku dhaama eebaa na siin cawil ku soo dhaafa
Waxba yaanan dheerayn warkee aan u dhigo yoolka
Adaanay kaa dhamaanine allow deeqda nagu dheefi
Adigaa dhamaynkara dadkee dheefta wada wada dooji
Naxariis aan dheeliyin alloow dheriga noo buuxi
Dhulkan ooman eebow cirkii dhaamin jiray soo dir
Dhijaan iyo balli ba way gudheen oo waan dhursugaynaaye
Xareed aan dhamaanayn aloow oo dhakhsa soo shub


faysal_awcabdi@hotmail.com
London UK

Iskiinii wax u qabsada

tix dan yar waxa igu dhaliyay mar aan akhriyay qoraal ay inan fardawsa la yidhaa soo galisay web ka oo in iskaa wax u qabso ay ku boorinaysay dhalinyarada ana taageero aan ku tageeray aya igu dhalaisay tixdan waxaan sameeyey 15/04/08

Arligu hanoo dhismoo
Aduunyada beegsanoo
Ilbaxnimo gaadhno e
Iskiinii wax u qabsada
Dayaxa aad eegaysaan
Ragbaa waa hore irkaday
Xidigaha ini hadhee
Intaan la inaga arkoon
Aan orodka is baacsanee
Iskiinii wax u qabsada
Dabayshaa la irbicshaa
Wareeg lagu aadiyaaa
Farsamo loo aawilaa
Iskiinii wax u qabsada
Hurdada waa laga ordaa
Xoog baa la itashadaa
Iskaashaa lagu dhaqmaa
Awood la is biirsadaa
Iftiin lagu muujiyaa
Iskiinnii wax u qabsada
Odhaahdaan kula rabiyo
midhkii aad istaahisheen
in aadaa ii hadhee
hadaa umad yahay tihiin
arligan duulkii lahaa
ma ogi wax la sii ushee
iskiinii wax u qabsada
odayo toodiiba gabay
asqooboo dayow ku jira
siyaasad inkaaran iyo
waxaan imaan ku geyin
raga ibtiloobay baddi
intaa sii eegaysaan
iskiinii wax u qabsada
wuxuu adin kuu taraa
anfaco kuu quud noqdee
intaa orobada galbeed
tahriib u awaalaysaan
rag eedaadaa jiroo
if iyo aakhiraba gabayee
iskiinii wax u qabsada
aqzaaq aan kuu qorayn
waxaan rabi kuu alkumin
ninkii u ordoow ha sugin
inay afka kuu gashee
nimcada arligeena taal
intaa wada aamintaan
iskiinii wax u qabsda
hadaa innamiyo habloba
dhamaan ubaxii dalkoow
aqoontiinaa fayoow
itaalkiinaa cudoon
intaa is aqoonsataan
ilawdaan caajisnimo
ilaahayna kaashataan
ilays kii shida rajada
oo iskiinii wax u qabsada

sidee wax u jiraan gacaliyoow

Gabaygani wuxuu jawaab u yahay tix uu Ibraahin Axmed Yuusuf "Hawd" kaga jawaabay tix hore oo Faysal Aw Cabdi uu kaga hadlaayay wuxuu kala kulmay akhriskii sheekada "Aanadii Negeeye".
Salaan sharaf leh, suugaan murti leh, hadallo saanwayn leh
Soojireen warkiisoo naxwaha, subag dareeraayo
Sidriga iyo laabtaa wanaag sida muquuneede
Saaxiib ladhkaad kicisay baan seexashada diiday
Waxay saaqay hadalkaagiyoo waan salsalayaaye
Salaamaade waadigan galkiyo seefti kala saaray
Salamaade waadigan warmihi soofihii mariyay
Salamaade waadigan mindidi suulcad alabaystay
Waxku saaqay moogiye dagaal soodh adaw tumay e
Sidee wax u jiraan gacaliyoow suurtay nabadiiye?
Nin suldaana waa lagu ogaa saamax fidintiise
Ma sokeeyahaa kugu qaldamay oo samaha diidaaya?
Ma sikhriiaan wareeraa ku helay oo afxumo saydhay?
Mise sagagar khayr laawe oon soocna garanaynin
Oo silic xumaaniyo qabiil sahayti moodaaya
Oo suugaanta ceebteeda uun kala sifaynaaya
Oon salaadda Eebiyo waqtiga sixi aqoonaynin
Oon sinaba kuu gaadhi karin raganimooy saaka
Doqonnimo mid suuroo hurdada sarakaracoo duura
Oo socosho waliya ku jira oo saqdhexe guura
Oo saacaddii lala hadloba sare u buuqaaya
Garna kula saxaynoo caqliga seexday araggiisu
Iyo soo cabboo liitiyoo soocna garanaynin
Oo aan in silsilad loo tirshiyo sadar dawaynaynin
Iyo saxara quutaha dadkii wada saraayeeyey
Oo qaba salaaf oo waqii libin saluugaaaya
Yaa soomaalida ka buuxe dulqaad sinaba haw dhafin
Murtidaada kaan sixi karayn siiqba haw tirinin
Sarbeebtaada kii dhaafay ee seegay dulucdeeda
Ama suluf ka caydheed ka galay sayladdii gabayga
Oo tixo saleeliya watoo tahar sariigaaya
Sansaankii codayntiyo nimaan laxan ka saafaynin
Sidrigana ka jecel inuu murtida saanad ku lahaado
Saamacaygu diid soor inaad subax wadaag taane
Hawdoow ninaam ku sad burin sooryo haw fidinin
Haddiise aan digniintii soline uu saaka kula doodo
Inuu sumaca hore leefayaa wa si la hubaaye
Markay seeftu jidhuu baryada sacab ka kuu hoorsho
Yuu ku saxanin waatuu rabay e jeedal ugu suubi
Ku salcaami geerida ilaa sarartu dhiigroorto
Sanku neefta jeeruu gaboo hadalku sawd gooyo
Haka siibin leebkee wadnaha saani uga toogo
Danba wuu uu suudali aakhiraan samo u yeeleeyne

markaan akhriyay buuga aanadii nageeye

bariido san salaan waafiyiyo gacan ku sooryaysa
sidriga iyo laabtaa ku yidhi naga gudoon saaka
adiguna sad kii gobi lahayd qaado sacab keeda
isa sudha halkeedii murtidu saamax yay galine
aan sifeeyo sheekada halkaan ugu sidkaynaayo
sadardii ku yaaliyo markan buuggi kala saaray
nageeyiyo safkiisii markaan wada sikhraan siiyay
Amran inay sidaa tahay runtii saani loo garaye
sabigay dhashiyo maalin taan sixir walaaleeyey
markaan Layla suuqaw diree Deeqa sare joojay
markaan Idilla saamiga funkiyo golaha soo joojay
markuu rooble qiirada sunta ah Yurub ku seeteeyey
dacartii siyaasiga markuu Raage kala saafay
sifihii ka soo baxay haddaan heedhe kala saaro
horta buugga sumaddiisa magaca guud saaran
macnahay siddaa kuugu filan faham sarbeebeede
sida lo dejiyo sheekadaa socod wanaaggeeda
surin kay maraysiyo markaad sabada sii raacdo
sarkaal iyo markaad geeljiriyo xerow ba sii dhaafto
samaydii warmaha iyo markaad mudacyo soofayso
sabo lagu nagaan jiray markaad belo ku sii saaqdo
markaad silisyo soo furato eed suudhadh ka xabbaadho
sawirkeeda maantaa haddaan yara sifaaleeyo
inaan anigu sara joogay oon sama baxaw reebmay
iyo inaan sir iyo caad ku helay sheeko soconaysa
iyo inaan sifaha awliyiyo saalaxyada sheegto
si ay tahay Allaa oge naxwuhu saani ii damaqye
bal aan kala sifeeyee murtida saanu ugu fiirso
sergadii ku dhacay maalintii Raage lala siibtay
iyo sabab tii loo xidhay is may saarmi karahayne
sabciin kii bilood uu ku jiray jeelka sagaxiisa
iyo sabigan xumihii la baday qalin ma sooreene
sheekada nin sida ay tihiyio hadalka sii raaca
iyo kii xilliga siiyay bay dulucdu saaqdaaye
alaylehe sax baa loo qoroo daabac lagu soorye
xigmad aan salkeedu ba dhowayn lagu sar goo buuggan
sarbeebaab aan ciyaar lagu furayn sambabka loo tuuji
macnayaal sifaalah ku jira madaxu kaa seexdo
iyo hadal sargooyntiisa wacan lagu sulaaq maayo
saddex gabay hadii aan tirshoon arar sifaaleeyo
siduu yahay ma wada sheegi karo nuxur sansaankiise
waa buug jacayl kuu sidiyo damaq xasuus tiise

Talo adaa ku nool ee iyadu kuguma noola

Salaaam u calaykum

"Talo adaa ku nool ee iyadu kuguma noola"
waxaana la ogaadaa marka talo ku seegto khasaaraheeda ka dib.

waxaan idhi

Marka hore salaan diiran
aan u huray safkiinoo dhan
dhalin yaro in tii suuban
gacan qaad ku wada seebay
wa calaykum saaceeda
saamigeeda iga hooya
*****
Sixin hadal haduu yeesho
inta saxa hadaad raacdo
ama sugato weedhiisa
warka kala sabaan dhayso
runtu yay si kaa noqonin
surma seegto haw yeelin
liqdintana ha siibsiibto
yaanu muran ka soo jeedsan
shakigana si uga leexi
marka ay su'aal joogto
nin ka bixiya siiqeeda
ee fura salaankeeda
ama hela silsiladdeeda
shan markhaati soo jooja
u ahaw safiirkeeda
*****
Garashadu sad weeyaane
rabi bayna wada siiyay
qof kastana in baw sooca
dadku uma sinnaadaane
haddaad tahay mid sare jooga
samo inaad ku doondoonto
sabool kana ku gacan siiso
kii liita soo kiciso
inta saadambee sheelan
inaad sama falaw heedhe
u ahaato sahankooda
inta saaka kula joogta
inaad siiso talo fiican
u samayso marin toosan
ka sifayso xumohoo dhan
samir iyo dulqaad yeesha
qalad kana sax ugu doorsha
u ahaw suldaankooda
****
Waxa lagu sugnadaa
lagu kala sareeyaaa
darajona ku siinaysa
adigoo aqoon suuban
saynis yahan bidaaraystay
cilmi saabka uga buuxo
xiddigaha nin suureeya
samada iyo wixii kaa fog
iyo ciida sabadeeda
sanco kuu odorasaaya
sir qarsoonna kuu sheega
qalinkana sifaaleeya
iyo macallin soo joogay
ardaydana sax ugu sheega
oo sabuuradaw buuxsha
cashar wada sarbeebaysan
samo ugu macnaynaaya
u ahaw sitaacooda.

MAAHMAAHO

MAAHMAAHO SOOMAALI AH WALI WAA QABYO WAANAN WADI DOONAA INTA AAN KA GADHI KARO INAN KU URURIYO MAAHMAAHA SOMALIGA AH



NIMAAD DHASHAY KUMUU DHALIN
NIN GU KAA WAYNI GARASHANA KAA ROON
NIN WAYN TAG LAMA YIDHAA EE WAX UUKU TAGAA LATUSAA
NIN ANI YIDHI DAD ISKA SOOC
NINBA CEESAANTII CEEL KEENTAY
NINBA TIMO XAMAR
NIN WAYNI WADKIISA WUU YAQAAN
NIMAAN DHIDIDINI MA DHARGO
NIN SABEEN LEH HABEEN DHARAG U LAABAN
NIN KII SEEXDAA SICII DIBI DHALAY
NIMAAN HADLIN HOOYADII BA QADISAY
NINKII AFLEH BAA ABAAR KA BAXA
NINBA MEESHA BUGTAA ISGAY BALBASHAA
NIN MEELI U CADAHAY MEELI KA MADAW
NACAS IYO NAAGABA NIMAY LAGDAAN KAMA KACAAN
NIN WALIBA INTUU KUU JIRUU KUU SOO JOOGSADAA
NINBA MEESHA BUGTAA ISGAY BALBASHAA
NIN HABARI DHASHAY HAL MA SEEGI WAAYO
NIN LA TUMAY TALO GAADHAY
RAG IS FAANSHAY WAA RI IS NUUGTAY
NIN WALIBA INTUUCUNUU CIIDAMIYAA
NIN NAAGI WADOIYOAWR AWR WADAA MIDNA KAAMABAYDHO
RAG AAMUSAY IYO RIYO AAMUSAY LABADUBA REERKOODII GABE
RAG LAMA MALEEYO
RAG WAA AYO IYO WAA ADOO KALE
RAG HAREER TAADAA LAGA DAYAA
RAG WAX WALBA KA FILO
WAX AAN LA ROGROGIN RAG BAAN HELIN
RAG IYO HANGOOLOBA WAA LA URURIYAA
RAG WALAAL WUXUUKU DHAAMO LAWAA
RAG WANAAG MOOYEE XUMO WAXBA KUMA LAHA
WAX LA RAAJIYAA RAG KUMA SAMA
NAAGO SIRTOOD LAMA GAADHO
QUMAYADU INTAANAD QUMAYO ODHAN BAY QOMAYO KUTIDHAA
INANTII HOOYADEED HADHUUDHKA TUNTAA IYANA HAADISKIISA WAYBARAN
RIYO HADAY DUB LEEYIHIIN DABADOODAY KU QARIN LAHAAYEEN
RIYO LUGTOODAA SHALAW KA RIDA
RIYO LUGTOODAA SHABEEL ULA GASHA
RIYAA QAAWAN BAA IDAA KU QOSLA
NINBA CEESAANTII CEEL KEENTAY
GEELJIRE GEELA WUU WADA JIRAA WAANU KALA JIRAA
GEELJIRE USHUU SOO ASTAYSTAY BUU RAG KA TALAGALIYAA
GEELJIRE NINKA UGU TAAG DARAN AYAY TAAGEERTAAN
DAMEERI ISKU HALAYN BAY HOOYADEED DABADA UGA NUUGTAA
DAMEERI INTAANAY DHUUSA BARAN BAY AYAY BIQLA BARATAA
DAMEERTU GEELA HA DIDISEE WALIBA WAY SII QURURUF LEEDAY
DAMEERA LAY DADKA LAKAL MAAHA
DAMEERTII RAR DOONTAA XERADA SAFARKAY TAGTAA
DAMEERAA ADARI NINKII DALBADAA AROORSHA
DAMEERI DHAAN RAACDAY
QAYL MANA NASTO HABARTIINA MANASIYO
HADAL WAA RUNKAMA RAYSTE
RUNTU RAGA WAY KA NIXISAA WAXSE MA YEESHO
MUSLINOOW RUN SHEEG MUSLINAWNA UGA QAADO
HADAY HAWADAADU KUU BEEN SHEEGTO DAN TAADAA KUU RUN SHEEGTA
BEENI RAAD MALAHA
BEENI DABA LAQABTO MALAHA
BEENAALE MARKHAATIGIISUU FOGEEYAA
BEEN SHEEG OO MID RUN U EG SHEEG
BASARI IYADAA BUULKEEDA KAA TAQAAN
BASARI BUULKEED XUMAA
KARIS XUN IYANA KULA
CUDUD CAANA GAABSHEEN CAGAAR MA KORSHO
FARSAMA XUME MEEL XUN BUU IS GOOYAA
MABA LULATEE MAXAY LEEFTAA
SOOBAX BAA LALEEYOOY SACABKA LEEFAYSAA
SIR MA QABE ALLOW SAHANA
SAAXIIBKAA AAMIN SIRTAADANA LAKALA HADH
ABTIGAA WUU KUU OOYAA KUUMA SE AARO
ABTI IIN XUN LAGA RAAC
ABTI WAA ABOODI
DAACADI MA HUNGAWDO
DIGO NIMAAN GALINI MA GUBAN
INTAANAD FALIN KA FIIRSO
XAAJO NIMAAN OGAYNI INDHUHUU KA RIDAA
AMA AFEEF HORE LAHAW AMA ADKAYSI DAMBE LAHAW
BANAAN KABA HELAYSAYE MAXAA BABAC KU SAARAAYA
KAADSADAA MA KUFO
HADAY DAGDAGSIINYO DOOR DHALAAN KAADSIINYANA KIISH LACAGAY DHALAAN
QAWDA MAQASHII WAXNA HAW QABAN
HOOBA HOO BAA LEH OO LABA HUNGURI WAA WALAAL
HORE U CUCNE DIB U QATAN
SHAQAYSTAA WUU DHERGAA SHAXAADAANA WUU QADAA
SIR HAWEEN LAMA GAADHO
SOO NOQ NOQOTEE MA NAQBAW DA’AY
SIDAAD JECESHAY LOOMA WARAMO E SIDA AY WAX YIHIIN BAA LOO WARAMAA
SIR MA QABE ALLAW SAHAN AH
BOORAAN HADIMO HA QODIN KU DHICI DOONTAANA MOOYEE

dareen kii jacaylka

daltabyada xanuunkeeda
qurbo daal ku noolaanata
dalkeeniyo wanaagiisa
dib u xiisayaa oo
waxaan aan dareemoo
damiir kaygu tabayaa
Jacayl kiii dadnimadee
dariskiyo wallaalluu
dul iyo hoos isu ogaa
waxaan doonayaa wali
jacaylkii dalkeenee
laysu wada damqanayee
laysu diir naxaayee
laysku wada dul noolaa
jacayl dawladiisii
dabar goyn ku qaadoo
laga deebshay laabtoo
dalka laga tirtirayoo
dablihiyo askariguna
digtoonaw ku dhaafaan
jacayl uu dadkiisii
dal shisheeye tagayoo
marti iyo dul saar yahay
jacayl duumo iyo cudur
cadaw uu ku durayoo
taws tu ay dishootoo
xumad wada dedanayoo
diiftiyo xanuunkii
dalan baabi dhacayoo
kolba daarad jiifoo
dhakhtar daawo siiyiyo
cid dabiibta aan helin
jacaylkii dirays kiyo
qaadan jiray dabkiisee
isku duubni waligii
duulaan ku gali jiray
doqonimo ku timidoo
qof waliba dantiisii
inta uu ka door biday
laga raacday duunyada
jacayl soo dacwoodoo
dembiga iyo eediii
dusha loogu rarayoo
dadku dhinac ka wada maray
jacayl deedidi fayn tii
duleedkaa u baxayoo
duur joogta raacoo
sanqadhu ay damqaysoo
ka didaaya qaylada
jacayl deeqdi laga jaray
jacayl uu dadkiisii
xaasid nimo dugaashaday
jacayl ddayrka sharaftiyo
laga fayday daahii
jacayl diiqad galayoo
digtii ay ka gooyeen
jacayl daasad qaatoo
dawar sada hadhiimada
jacayl socod ki daayoo
dugsi soo hadh galaybaa
dacwad ii bilaaboo
dadka yidhi u wada yeedh
wuxuu yidhi duqaygani
horta daacad baan ee
maxaa laygu dilayaa
danta oon ilaashiyo
dariskoo aan bookhdiyo
ehelkoon daryeelaa
ma dambaan sameeyoo
daga yahay qiraysaan
miyaan beelo degayoo
daawaysta noloshoo
daaqaaya nabadaba
duco kala fogaadaa
ma waxaad dan moodeen
in nacaybku soo dego
degel kaan ku noolaa
miyaa doorateen wali
laba daran mid sii daran
dib miyaa u eeg teen
door kaan fogaadee
siyaad dabar go'iinii
diiwaan ku sooqoray
dib miyaa u dhugateen
markaan yara dekaamee
dagaalkii sokeeyaa
diric yada ku layseen
saw taan dareemee
durbadiiba toosee
dhibka daaya idin idhi
hadal iyo dantaydii
malaa way la durug taye
aan soo dabaalee
bulshoy waa dareen kii
halka cadawgu kaa dilay
haduu kaa dun guurana
damqan maysid waligaa
waana laga da' furayaa
hadaan laga dawobine
maxaa dood ka leediin
dad waynaa dhamaan tii
hadal kii umuu degin
warkii heedhe kuma duxin
doodii wax uma tarin
waabay sii daligayaan
dayn bay ka xooreen
dalaw ba ka tuureen
jacaylkii dulqaad kii
dirqi buu ku haysaa
wuxuu soo dalbanayaa
in loo soo duceeyaa
xayiraada lagu deday
maruun laga dul qaadaa
inta wali dareenlee
in uun sii damqanaysaay
dood u fura jacaylkii
dawo loogu raadshoo
dareen kiisa lagu dhayo

Qurbaha iyo dadka somalida ah

Halkan waxa aan kaga faaloonayaa nolosha ka jirta qurbaha gaar ahaan dalkan ingiriiska kaasi oo ka mid ah ama la odhan karo waxa weeye meesha ay soomaalidu ugu badan tahay marka loo eego melo badan oo dunida ku yaal marka laga reebo dalkii hooyo. Waxaanan sameeyey 20/04/1998
Gabaygu waxa uu taabanayaa dhibaatada haysata umada iyo sida ay ku timi iyo sida ay u kala abaartay rag, dumar&caruur.hadaba Kama dambaystii gabaygu waxa uu ku bilaabmayaa sidan

RABI DAAYIN WEEYEE
INTA UU DAD UUMEE
DUNIDANI DULJOOGTEE
DAADAHAYSA NOLOSHEE
ISKU WADA DULNOOLEE
DANTU WADA KULMINAYSEE
NINBA MEESHI LOO DIRAY
ISAGOO DADAAL IYO
MUUJINAAYA DOOR ROON
DABCINA WAA WAX DARANOO
DAD AAN GACAL AHAYNBAA
ISKA DOORTA AADMIGA
MARNA DUUL WALAALO AH
OO HOOYO DIHATAA
DAARKU WADA DHAQNAANBAA
DACI KALA RARAA OO
DAD IS BOOQDA DA YOO
SALAANTANA LAKALA DIDA
DAGALADA QURBAHA IYO
DALKAN AYNU JOOGNEE
DAADUUNKA LAGU YIMI
DAGAALKII SOKEEYAA
DAAFADIISI WEEYOO
WAXKASTOO DARAADABA
WAX KASII DARAADAA
DABA YAALA WALIGII
INTII DABADA YAACDIYO
DAWAAFKII ADUUNYADA
DADKEENI USOO KACAY
DAYAC BAA KU DHACAYOO
INTA DAADSAN YURUBEE
CEEBTEEDA DADAYSANA
INGLAND HOWDARAATEE
DUMARKII WAX BAA HELAY
JIDHKOODII DAHAADHKIYO
KU WACNAA DABOOLKEE
DAHAB LAGU MASAYN JIRAY
DABADAA LASOO DHIGAY
DAAYINKII ABUURIYO
DUN NINKAY WADAAGAAN
MIDNA MABA DANEEYAAN
IYGAABA DARAJO LEH
DA, YAR TIYO BARBAARTII
DHAQAMAD ISDILAYAA
DAANO WAYN U GAYSTOO
BIYO LOOMA DIRANKARO
DAB HADAY KU DHACAYAAN
AMA DACAR WALAAQDAAN
DAAYA RUUX MA, ODHAN KARO
HADII AAD U DIID IYO
DAGAAL MEESHA KEENTANA
DHAQAN DOORIN WEEYOO
DAWLADAA KU XIDHAYSOO
DAMBIILAY KU QORAYAAN
RAGIIBAA KASII DARAN
DARXUMADIYO HAWSHAA
KUWII DIIDI LAAYEE
KADIGIIGI XOON LAA
DANTA AY KA RACDEEN
WAA JAAD LA DUUBTIYO
ILLAA DAALAC WAABARI
MURAN LAGU DUL NOOGIYO
KUWO DAASAD HAYSTOO
DARBIYADA ISTAAGIYO
DARAAGOOLAYAAL AAN
DUNIDABA WARKEED HAYN
DUNJIGOODBA NIMANKII
DULI BAA HALEELOO
DUULASHII QURBAHA YIMI
KUWO DAAYINKEENII
KUHAGAAJAY DAWGOO
U HANUUN SAN DIINTOO
DARIIQII SAXNAA IYO
WIXII DAAYIN UU FARAY
WALI DABADA HAYSTAA
DADKEENII KA HADHAYOON
ANA UGU DUCEEYAA
WAXSE AAN KU DAYN LAA
DOODANA KU SOO XIDHAY
DADAAL AAN BILAWNIYO
DIB IN LOO NOQDAAYOO
DAGMADII HARGYSIYO
BURCO DAAFAHEEDII
BARBARIYO DALKEENII
CEERIGAABO IYO DAMAL
SURAD OON LADAYN KARIN
AMA DAALO IYO HAWD
SAYLAC IYODOCDEEDAA
BADA LOOGA DHIGAY DAYR
RUUXII DABAAL RABA
AMA KII DANKALE WADA
UU FIJAANKA DARAYEE
XIISAHEEDA DAMAQA LEH
NAFTU AANAY DAYN KARIN
MARLABAAD U DUULOO
NOLOL AAN KA DAYANAA
WAA DALKAAD U DHALATOO
XUMO LAGU DULOOBIYO
DIIQADI MA TAALEE
JAGADAAD KADAGILAYD
IMIKABA KA SII DAYO
INTAAN DAYRAR LAGUXIDHAN
TAASI WAA DAREENKAY
WAXSE AAN KUDARAYAA
DOODU WAY U FURANTAHAY
ARINTAA KA DOOR ROON
RUUX KASTOO KU DARAYIYO
MIDKII DIIDAN HADALKABA
HADIISE DAAYIN NAGU SIMO
DIBAA LOOGA SHEEKAYN
DOODIINA KABA BAXAY

ma dhiiraday caawa

tix dan waxaan tiryay 18/05/2004 xafladii oo la iga soo casuumay ayaan kaga qayb galay




Dhawaaq la bilaab
Inaan bisin dhaafo
Horaan uga dhaartay

Inaan dhulka hoyo
dhibaatiyo hawlba
Naftayda u dhiibo

Oo aan dhudhun beelo
Dhiigayga u daadsho
Horaan ugu dhaartay

Cadawga dhirfaaya
Khayraad ka dhulkayga
Ee soo dhabacaaya
Si uu u dhuyaaalo

Hadaanan ka dhiijin
Dhankaa dhan dheh gaban
Intaan dhag ka siiyay

ma dhiiraday caawa
Ma dhaafine heedhe
Kaluukna ka dhooban

Badayda dhexdeeda
Hadaanan ku dhaadan
Geelii dhaqayoobay

dhiilkii gorofoobay
Dhaydii adhigeena
Lo'dii dhitadeeda

Dhalaanku ka haago
Markaan dhereg dhaafno
U dhoofino meelo

Ugaadha dhuyaashay
Dhulkii ka dhamaatay
Gamaankaba dhawrin

Beeraa dhinacooda
Intaan u dhaqaaqo
Dhirtii ka baxaysa

Inaan dhab u beero
dhaqaalaha tiirsho
Horaan ugu dhaartay

Dhankaa dhan dheh gaaban
intaan dhag ka siiyay
Ma dhiiraday caawa

Culuun la dhigaayo
Inaan dhimirkayga
Aqoon ku dhiteeyo

Dhamaanba duruusta
Iskulada dhooban
Ku dhaansado buugta

Anoo dhuganaaya
Waxaan dhiganaayay
Oo aan xabad dhaafin

Dharaar itixanka
Markaan dhex fadhiisto
Inaan wada dhaafo

Dhamaan ba filkayga
Dhab siiyo shahaadad
Aqoon lagu dheehay

Anoon dhan u leexan
Dhankaana jaleecin
Inaan dhulkii hooyo

Dharaar la arkaayo
Intaan dib u dhofo
Dhalaanka koraaya

Caruurti dhulkeena
Waxaan cilmi dhaamo
Anoon dhamidoodba

Dheecaan kaga raadin
Dhigaalka aqoonta
Bakhaylnimo dhaafo

Ka dhawrsado ceebta
Inaan isu dhaafsho
Horaan ugu dhaartay

Intuu dhinacaygu
Dhulkaa ka sareeyo
Saantay dhogor leeday

Dhiiftii hadalkayga
Inaan dhab ka yeelo
Aamiin ku dhawaaqa

Dhankaa dhan dheh gaban
Intaan dhag ka siiyay
Ma dhiiraday caawa

Ma dhaafine heedhe
Dhulkeena xoroobay
Cadaawe ka dhoofay

Ragii u dhibtooday
Rasaas u dhigaayay
Dhafoofkiyo laabta

Dhintee hada mootan
Agoomaha dhaafay
Kuweer Dhutinaaya

Dhantaalmay Jidhkoodu
Dhaqaaq gabay haatan
Inuu rabbi dhaafo

Dhamaan dambigooda
Aamiin ku dhawaaqa
Kuwiinani dhoofka

Dhul ay yurub leeday
Qurbaa dhex maraaya
Inuu dhudhun kiina

Dhukeenu sugaayo
Dhafoorka ku haysta
Dhankaa dhandheh gaaban

Intaan dhag ka siiyay
Ma dhiiraday caawa
Ma dhaafine heedhe

Dambaal wada gaadha
Dhamaan wadankeena
Dhamaan afrikaanka

Dhibaatadu hayso
Midh aynu ku dhaano
Cadaawaha dhaaraty

Markuu ina dheehdo
Midh uu dhimanaayo
Mid aan dhursugayno

Inay dhanka kaabto
Aqoonsi dhameeya
Aqoonsi dhamaanba

Aduunyadu dhiibto
Dhulkeenu u aayo
Anoon dhinacooda

Dhulkii raga jooga
Dhaliilba u haynin
Ayaan dhud ku boorin

Inay dhidib keeda
Dhisaan nabadeena
Mid aan ku dhargayno

Mid aan ku dhismayno
Mid aan dhamideenba
Dhigaalka u ayno

Dhalaanku ku ceesho
Haweenku ku dhaato
Barbartu ku dheesho

Waayeel dhamidoodba
Nastaan dhinacooda
Mid uu dhamidiiba

Dhigeen ina eegto
Dhaliisha ku reebno
*****************

jaadka

GABAY JAADKA
GABAYGAN GAABAN OO KU SAABSAN JAADKA IYO DHIBAATOOYINKA
UU U LEEYAHAY BULSHADA IYADA OO AAN LAGU DHAMAYS TIRI
KARIN HAL GABAY AMA HEES IYO BURAANBUR TOONA AYAAN BAL
WAXA AAN ISKU DAYA YAA IN AAN JALEECO YAR KA TUSO DHALIN
YARADA HADA JOOGTA OO AAD MOODO IN AY SI AAN LAQIYAASI
KARIN U QAYILAYAAN HADABA ANIG OO AH FAYSAL AW CABDI
CANBALAASH GABAYGANA SAMEEYAY 05/01/2000 SANADKAN LABADA KUN
BISHII KOOWAAD SHAN TEEDII BAL ILA EEGA.
GABAYGU WAXA UU KU BILAABMAYAA SIDAN

· JALBEEBTIISA GABAY WAAYADAAN WAANIGII JARAYE
· HADBA ANIGA OO JOOJIYAY WAX IJUJUUBAANE
· AAN JAREEYO CAWANA TIXDAY JIRRATAY LAABTAYDU
· NAF JECLAATAY INAY JAAD CUNTAA WAY JIRABANTAY E
· JIDIIN KUU KA GOOYIYO CUNTADA YUU KA JARAYAAYE
· QAADIRADA JOOGTADA AH BAY INDHUHU KULA JANJEEDHAANE
· BEEN LAGU JALBEEBTIYO XAN BUU KUU JIDEEYAAYE
· DHANKASTOOD JALEECDONA MALAHA JAAWO IYO KHAYRE
· INTA UU DHIB JAAD LEEYEHEE KUMANKA JAADJAAD AH
· HADII AAN JALEECOOYIN KALE JIIMKA KA HIGAADSHO
· INTA UU NIN JIIDH WAYN LAHAA JARAY ARWAAXIISA
· AMA JEES KU BAABA,AY INTUU JAADKU SALABEEYAY
· JAGAAGACA KABADAN SHEEKADAAN JEEBKA KUHAYAAYE
· INTUU WIIL JAHADA SEEJIYEE DAYOW LA JIIFTAANTAY
· AMA JIIFTA WAADHKEE KUXIDHAN JEELASHA MAGNUUNKA
· AMA GABADH JAMAAL QURUX SAMAYD GEERASH YADA JOOGTA
· AMA SODOH INTAY JAAD BAREEN JIQILKA UUN TIIRIN
· AMA KUWAN DHEX JOOGUUN XABAAL JAADKA LAGU IIBSHO
· OO U KAYDSHA JEEGABA INAY JAAD KU BIXIYAAN
· JIRAY LACAG KU IIBSANAHAYAAN JAAHIL WAYAGA E
· INTA UU DHIB JAAD LEEYEHEE KUMANKA JAADJAAD AH
· HADII AAN JALEECOOYIN KALE JIIMKA KA HIGAADSHO
· JAYNAF IYO WUXUU KUGU RIDAA DEBINJAB XOOG WAYN
· JURUF IYO UR AAN KAA HADHIN OO JAADKU KUGU REEBO
· JEEBADAADA UUMADHIYO IYO DAYNKA JOOGTADA AH
· DANTAADOO UUKAA JEEDIYIYO CAAJIS KULA JOOGA
· BARYO JILICSAN GACAN HOOS JIRTIYO DAWARSIGAA JAAN
· QAJILAADA UU KAAJARIYO JIXINJIX KAA GUURA
· MURAN JAXARA BUUQ AAN LAJARIN IYO JAGUUGNAANTA
· QOFKII JUUQ YIDHAAHDABA LAHADAL QAYLO KU JAWAABKA
· INTA UU DHIB JAAD LEEYAHEE KUMANKA JAADJAAD AH
· HADII AAN JALEECOOYIN KALE JIIMKA KA HIGAADSHO
· WAXAAN TALO USOO JEEDINLAA JAALAYAAL BADANE
· WAYDINKAAN JICIIRTEE LIBDHEE JOOGIN EE TAGAYE
· JAAHIINI WAXA UU KA DHIGAY JOONYAD OO KALE E
· ISKA JOOJA GEEDKAAN JINEE JIITAY NOLOSHIINA

wax barashada dadka waawayn

Tixdan waxaan sameeyay ka dib markaan kormeer shaqo ku soo maray qaar ka mida kuliyadaha waxbarshada dadka waawayn ee magaalada London si aan u ogaado hawshu sida ay u socoto anoo taas oo shaqadayda ah ku mashquul sanaa ayaan hadana si gaara u indha indhaynaayay bal cadad ka ay leegyihiin dadka somalida ah ee wax barashda ka qayb qaata oo aan aad iyo aad u qawaday waxay ahayd 17/03/2008


Induruustu shay doorataan idin dareensiine
doc kastaba aduunyada markaan dayay intaan eegay
duqaytida wax baranaysa ee madaxu deebaystay
dixda ciida taalla iyo ka badan dooga soobaxaye
habro aan dariiqba arkayn yaa doon tay qalinkiiye
odayaal dhakadu diirantaa buuga loo diraye
waxan adiga kuu diidayaa iima daadagine
soomaaliyey dib u dhacdee wax is darensiiya
dugsiya kan furaneen qofkiin daahir uga muuqan
doqoniimo daan kula dagtee da'iyo wiil gaadhay
doob iyo gashaantiyi xamaal doorte badidoode
dacwad waxay ka dhigayaan ayaa kaga sii darane
maskaxdaydu way daashay bay kuu dul maryaane
da' wax dhigata soo dhaafay bay kuu dudubiyaane
damiin nimadan soomalidii badiba doonayso
danta ay ka helaya runtii iima daadagine
daayeerba sacabkuu biyaa kaga dar goyaaye
luqaduna dan weeyee hadaan sidan la soo doorin
turjubaan degdegayaa midhkuu kaaga dalaw siyay
degimaayo laabtaada oo way dafiraysaye
dibnahood ku aargoosataa diiftu kaa hadhiye
baldayaay qofkaan digigixoon hawsha dacaltaala
bal dayaay duruusloo kacaa darajo weeyaane
bal dayaay dadaalkaaga hore samo dambaysiiye
bal dayaay aqoondonashaa sharafi duun taale
kolba duulka kula yaalabaad dabac wadaagtaane
marhadaan qof dib u laabma oo duula la helaynin
damacdeena ina joogaysaan urub dagaankeeda
la qabsada duruuftana xamila doorba wax jooga
dugsiyada aqnoontiyo tacliin doonta qalinkeeda
duruustana akhriya maalin bay di'I sidii roobe
iskuna daya dadkaygoow in madax lagaa doorto.

tahriib ka

Tixdan waxaan sameeyaya markii inmudo ah aan website yada wax u dirdiraayay ee uu si lama filaan ah iila soo xidhiidhay nin ay haysato dhibaato tahriib iina sheegay in isaga tiisu waa saleelee ay jiraan rag iyo haween la isku dhex daray oo dhibaato badani ka yasato haween faraxumayn joogta ah la kulma waxaanan sameeyay tixdan 28/02/2008

Tahriib socod ka tiigsiga qurbaha talo xumaan doolka
Is tuuryaynta maal lagu tagrifo tacab qasaaraynta
Is ma tudhasho caarkaa turkiga daadsan tubahooda
Tiriigaa la mood iyo intaa timo haldhaalay leh
Ee nimaan taf tooda u qalmini taabtay maradooda
Ama fara xumayn loola tagay tiro ma yeeshaane
Ee tuuggu googo'a masruuf beenta kaga taabtay
Iyo ceebta nagu taalla ee nala tacaalaysa
Allahayoow na taageer aday taada noqotaaye
Tafaraaruqaa dhacay ragaa Yurub tabaalaysan
Inta beenta lagu teediyee dhoof ku taamaysa
Inta dhimasho loo tirinayo e dooni laga tuuray
Inta faraha lagu teediyee teer kastaba seegtay
Ee tuban giriiga ka badan toban kun oo wiile
Kaysoow dadkaan tabay ka badan dhagaxa tuurtaase
Allahayoow na tageer aday taada noqotaaye
Tuugadan dadkii waashay ee noona tudhahaynin
Ee taajirnimo gaadhay ee lacagta loo toobsho
Iyo tuhun kan beenta ah ee dadkii wada tabaaleeyey
Ragaa socodka toorayn jiree dumar tahriibaayo
Dadkan wada tabaaloobay ee tacadiyee liita
Tartan baaba lagu soo jiraa tu aan haboonayn e
Kuwan tagay kuwaa tacabiray kuwa kalaw taagan
Talan kodu kuwa uu qabsaday toobiyaha qaada
Intii toos wax ugu sheegi layd kuwaa diiday taladooda
Ee xeryaa ka wada taahaya e baahi tananaaya
Allahayoow na tageer aday taada noqotaaye
Allaw dawlad tabantaabo lootamaro xoog wayn leh
Tacab iyo wax soosaar mid loo shaqada loo tooso
Ooy nabadu taam noo tahayoon cidina tuuraynin
Oo tacliinta loo beratamooy teedsan tahay diintu
Dhallinyaro tamuuxaa ka badan oon tirona koobaynin
Oo tababar loo furay aduun waa is takuliye
Iyo waxaan tabaynaa aduun taynu ku lahayn e
Gabdho tamashle fiidkii ku mara toobiyaha suuqa
Odayaal tiraabtiyo murtida talada noo raacsha
Iyo waxaanu kaa tuugaynaa tuul nimcoo badane
Allahayoow na tageer aday taada noqotaaye

Aqoonsigii

Tix dan waxaaan sameeyay ka dib markii dood ku saabsan maxaa hortaagan aqoonsiga Somaliland ka dhex bilaaban tay website ka www.hadhwanaagnews.com 06/03/2008

Indhowaydba waataanan odhan erayo waawayn e
Ma astaynin maansooyin kaan uubatayn jiray e
Gabayna waxaad odorostaa markuu helo albaabkiise
Waxaad ulakac heestaa markay hawli ku agtaale
Ayaantii istaageenna kaw la istiqlaalaayay
Odayaashu maantay garteen oosha taladeenna
Ujeeddadu ka waynayd inaynu muran ka oognaaye
Aqoonsiga kan naga raagayee ee loo il bixin waayay
Waxla yidhi ammuurtiisu waa olole liidnaan e
Wax la yidhi dad kii loo igmaan hawshi eel bixine
Wax la yidhi adduunyadu dhammaan ooday marinkiiye
Wax la yidhi aqoonyahanaadaa gabay intoodiiye
Markii ay awood qaybsigii laga itaal boobay
Wax la yidhi haweenkaa inkaar aada keensaday e
Wax la yidhi idaylkeenba waan aayar soconaaye
Wax la yidhiba niman baa midnimo Xamar u ooyaaya
Afkana kaala wada goosashana kala irdhaynaaya
Rabibaa ogsoon uurka daban waxay ku aaseene
Afrikaankan naga jeestay ee diiday arageenna
Wax la yidhi axmaarkaa warxumo siiyay inanoowe
Islaantii dhowaan noo timeee sahan ku eegaysay
Illinkii diyaaradda markay il'i ka soo booday
ashqaraarka waa tii ahayd waana la ogaaye
Wax la yidhi anfaco maysan cunin faraxa awgiise
Aqalkii caddaabay ammaan gaysay amaroowe
Wax la yidhi ameerika hadday noo aflaxaysaa
Mar haddaan adduunyadu i odhan waan ku ictiraafay
Waa inaan awood iyo laxaad eegga kicinaaye
Nin waliba agtiisuu ka yahay oday safiireede
Waa inaan u orodnaa dhammaan soo aqbalideene
Ummadyahay ka kaca wadajirkaa lagu itaalaaye
Indho fiiro laan kugu aqiin arti dheeraane
Ummadyahay ogsoonow waxaa edeg laguu qoolay
Dagaalkii ablaydiyo lahaa eebadiyo soodhka
Afar jeer haddii lagu noqdoo tiro la soo oodo
Ubaxii u go'ay laantanaan cidi ilaabayne
Ayaan qudha ragii leedaybaan gabay astaynayne
Naafada udbaha jiidaysee udulub luudaysa
Araar laguma soo koobi karo maanso alifkeede
Ifafaaalihii guushu wuu soo if baxayaaye
Ufada iyo gaydhii hadday guban ka oogmeene
Albaabadi haday noo furmeen awdanaan jiraye
Awood maalin lagu giijiyiyo odayo loo saaro
Iyo waxa aqoonsigii ka hadhay toban ayaamoode
Alaylehe wixii aan rabnaan aayar helaynaaye
Waa kaa ilayskii fidshee ayatiin dhalaye
Waa kaa sidii ayro geel ibaha soo giijay
Abshir dhaha wakaa soo unkamay oogi waabariye

Indhowayd ba gabay gii ka tagay heesna maan tirine
Ma tiraabin maansooyin kaan teedin jiray waaye
Talo guud markuu yuu naxwuhu taabo galayaaye
Aan tilmaamo caawoo kaluu toosin leeyahaye
Toban iyo todoba baan soo jirnay iyo tiriyo dheeraade
Nabad lagu taanaadiyo samaa taabka noo galaye
Hadaan toban kun oo wiil u dhiman calan ma taagneene
Hadaan talada odayaashu qaban sharaf ma toosneene
Hadaan shicib ku taakulo ku darin qaran ma taagmeene
Hadii aan tastuur loo samayn tacab ma yeel meene
Toban iyo sided may na waa tilmaan adiga kuu taale
Waxa galabta loo taagan yahay taabo galin teede
Ha tis qaado hana toosto oo yaan la kala tuurin
Raga talada loo dhiibay oow tiirsha magaceena
Oo yaynaan tasayn waxa u go’ay toban kun oo wiile
Taariikh daynu leenahay nin ogi gacanta nootaagye
Tartan bay aduun yadu ku tahay taynu leenahaye
Tu ay axmaarada ku tahay taa ku dhinac taala
Nin waliba tab iyo xeelad buu soo tukubayaaye
Isku tiirsadaay wada jirkaa tabar ku leediine
Taakuleeya kii yara jilciyo tamarta kii liita
Isu tudhana yaydaan ku dhicin taabka cadawgiine
Dhaqan kana ha tuurina dadnimo waa mid kula taale
Markaad tiisa dhawr tahay dadkuna taabac kugu yiine
Tima jilic ba waad aragtay oo toodi may lumine
Ha ka tagin tilmaantaad lahay sharafi waa taase
Islaamnimada waa lagu tudhaa taynu leenahay e
Tawxiid ka haystiyo wardiga iyo tasbiixdiisa
Tukashada salaadana xejiya oo jamaca soo toobsha
Tiriig baa ka baxa meel haduu xoog tumaatiyo e
Marka toban is raacdaa wax qabad taabo galayaa e
Somalaa tilmaan to ku tidhi hadalo taariikh leh
Haday gacantu kali taagan tahay tahar ma goyseene
Taban taabaday laba gacmood tamar ku yeeshaane
Isku tiirsadaay waxaynu nahay talo wadaagtiiye
Tuhun galiya cadaw geena oo tacab ka wayneeya
Tilmaan ubad ka aan uga tagnee qorana taariikhda
Ha tis qaado hana toosto oo yaan la kala tuurin